دو ریاستی حل نیتن یاہو کی موجودگی میں ہی ممکن ہے، امریکی صدر

ویب ڈیسک

20th Jan, 2024. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دو ریاستی حل نیتن یاہو کی موجودگی میں ہی ممکن ہے، امریکی صدر

امریکی صدر جوبائیڈن نے اسرائیلی وزیر اعظم سے گفتگو کے بعد کہا کہ دو ریاستی حل نیتن یاہو کی موجودگی میں ہی ممکن ہے۔

غیر ملکی خبر رساں ادارے کے مطابق امریکی صدر جوبائیڈن نے اسرائیلی وزیر اعظم نیتن یاہو کے درمیان ٹیلی فون پر رابطہ ہوا جس کے بعد امریکی صدر کا بیان سامنے آگیا۔

امریکی صدر جوبائیڈن کا کہنا ہے کہ موجودہ اسرائیلی حکومت کے ہوتے ہوئے بھی اسرائیل اور فلسطین کے درمیان دو ریاستی حل ممکن ہے۔

صدر بائیڈن نے کہا کہ دو ریاستی حل کئی طرح کے ہوسکتے ہیں، ایسے بھی کہ بعض ممالک اقوام متحدہ کے رکن تو ہیں مگر ان کی اپنی فوج نہیں ہے۔

یہ بھی پڑھیں: غزہ پر حملوں کو 100 روز مکمل، امریکا کی اسرائیل سے جنگ ختم کرنے کی درخواست

امریکی صدر نے مزید کہا کہ میں نہیں سمجھتا کہ نیتن یاہو ہر قسم کے دو ریاستی حل کے خلاف ہیں۔

امریکی قومی سلامتی کونسل کے ترجمان جان کربی کہتے ہیں کہ بائیڈن اب بھی مسئلہ فلسطین کے دو ریاستی حل پر یقین رکھتے ہیں جب کہ بائیڈن نے واضح کردیا کہ دو ریاستی حل اب بھی آگے بڑھنے کا صحیح راستہ ہے اور ہم اس معاملے کو جاری رکھیں گے۔

واضح رہے کہ اسرائیلی وزیر اعظم نیتن یاہو نے مسئلہ فلسطین کے دو ریاستی حل کی امریکی پیش کش کو مسترد کردیا تھا۔