لونگ گرم مصالحے میں موجود ایک انتہائی صحت بخش مصالحہ ہے جس کا استعمال صدیوں سے کھانے میں خوشبو اور ذائقے کے ساتھ کئی امراض میں بطور دوا بھی کیا جارہا ہے۔

لونگ کا ذائقہ قدرے میٹھا دارچینی سے ملتا جلتا ہوتا ہے یہی وجہ ہے کہ اسے میٹھے اور نمکین دونوں طرح کے پکوانوں میں استعمال کیا جاتا ہے۔اس کا مزاج گرم ہوتا ہے تاہم یہ ننھا سا لونگ اپنے اندر صحت کے بیش بہا خزانے رکھتا ہے۔لانگ کو ثابت استعمال کریں یا اس کا تیل یہ ہر صورت میں فائدہ مند ثابت ہوتا ہے۔

 لونگ میں طاقتور اینٹی آکسیڈنٹ اور سوزش کش خصوصیات موجود ہوتی ہیں جو آپ کے جسم کو طاقتور غذائی اجزاء بھی فراہم کرتی ہیں یہ بیماریوں اور انفیکشن سے بچا سکتی ہے۔ جبکہ یہ عمل انہضام کی صحت کے لیے حیرت انگیز ہے۔ جوڑوں کا درد ہو، متلی کا احساس ہو۔ اپھارہ یا دانتوں کا درد چھوٹا سا لونگ بڑے کام کر دکھاتا ہے۔

یہ حیرت انگیز مصالحہ کولیسٹرول، بلڈ شوگر لیول کو متوازن رکھنے، ہڈیوں کی صحت کو بہتر بنانے اور امراض قلب اور کینسر کے خطرے کو کم کرنے کے لیے بہت سے فوائد رکھتا ہے۔ کیا آپ جانتے ہیں کہ صرف ایک لونگ چبانا آپ کی صحت کے لیے گیم چینجر ثابت ہو سکتا ہے۔

روزانہ ایک لونگ چبانے کے فائدے

صبح کے وقت لونگ چبانے سے تھوک کی پیداوار میں اضافہ ہوتا ہے جس سے ہاضمے میں مدد ملتی ہے۔ لونگ متلی اور تیزابیت کو کم کرنے میں بھی مدد دیتا ہے۔

لونگ سوزش کش اور اینٹی آکسیڈینٹ خصوصیات کے لئے جانا جاتا ہے، جو مجموعی صحت کو فروغ دیتا ہے۔

لونگ میں نہ صرف سوزش اور اینٹی آکسیڈنٹ خصوصیات ہیں بلکہ یہ جگر کی صحت کو بڑھانے،  ہاضمے میں مدد، قبض سے نجات اور قوت مدافعت بڑھانے میں مدد کرتا ہے۔

لونگ کو جوڑوں کے درد کو دور کرنے والے کے طور پر بھی استعمال کیا جاتا ہے  اس لیے روزانہ خالی پیٹ 1-2 لونگ چبا کر اس کے صحت سے بھرپور فوائد حاصل کر سکتے ہیں ۔