میری حکومت قائم رہتی تو آج کوئی بے روزگار نہ ہوتا، نواز شریف

ویب ڈیسک

26th Jan, 2024. 04:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میری حکومت قائم رہتی تو آج کوئی بے روزگار نہ ہوتا، نواز شریف

سابق وزیراعظم میاں نواز شریف نے کہا ہے کہ میری حکومت قائم رہتی تو آج کوئی بے روزگارنہ ہوتا۔ ہر گھر خوشحال ہوتا۔

بورے والا میں مسلم لیگ ن کے جلسے سے خطاب کرتے ہوئے قائد مسلم لیگ ن میاں نواز شریف نے کہا کہ روٹی، چینی کم ہوگی، بجلی اورگیس ملے گی، اگر حکومت ختم نہ ہوتی تو ہر گھر خوشحال ہوتا۔

سابق وزیراعظم نوازشریف نے کہا کہ یہ وہ ٹولہ ہے جس نے پاکستان پر کلہاڑا مارا، ہم نے عوام کیلئے موٹروے بنائی ہے، آپ کیلئے نہیں، بورے والا کو ضلع بنایا جائےگا۔

نوازشریف نے کہا کہ ن لیگ کی حکومت آئی توموٹروے بورے والا سے بھی گزرے گی، نوازشریف کی خدمتیں قوم نے یاد رکھی ہوئی ہیں، ن لیگ آئے گی اس مہنگائی کو مٹائے گی۔

قائد مسلم لیگ ن نے کہا کہ تبدیلی کی وجہ سے آج روٹی 25 روپے کی ہوگئی، ہم نے لوڈشیڈنگ ختم کرکے بجلی سستی کی، میری حکومت قائم رہتی تو آج کوئی بے روزگارنہ ہوتا۔

نواشریف نے اپنے خطاب میں کہا کہ پاکستان کا کیا حال کردیا، نہ بجلی ہے نہ گیس، آٹا، چینی، دالیں اورسبزیاں مہنگی ہیں، میں سمجھتا ہوں بہت کچھ بدل گیا، آپ کے جوش اور جذبے کو سلام پیش کرتا ہوں، آپ کو اتنے سال نہیں ملا میں اداس ہوگیا تھا۔