خیبرپختونخوا کے لوگ بیوقوف؛ اے این پی کا نواز شریف سے اپنے الفاظ واپس لینے کا مطالبہ

ویب ڈیسک

28th Jan, 2024. 04:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

خیبرپختونخوا کے لوگ بیوقوف؛ اے این پی کا نواز شریف سے اپنے الفاظ واپس لینے کا مطالبہ
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

خیبرپختونخوا کے لوگ بیوقوف؛ اے این پی کا نواز شریف سے اپنے الفاظ واپس لینے کا مطالبہ

پشاور: عوامی نیشنل پارٹی (اے این پی) کی ترجمان ثمر ہارون بلور نے مسلم لیگ ن کے قائد نواز شریف کی جانب سے خیبرپختونخوا کے عوام کو بیوقوف کہنے پر معافی مانگنے کا مطالبہ کردیا۔

اے این پی کی ترجمان ثمر ہارون بلور نے اپنے جاری کردہ بیان میں کہا کہ مسلم لیگ ن کے قائد اور تین بار وزیراعظم کے عہدے پر رہنے والے ایسی باتیں زیب نہیں دیتا، ان کو حق نہیں کہ ایک صوبے کے عوام کو بے وقوف کہیں۔

انہوں نے کہا کہ خیبر پختونخوا کے عوام سے ووٹ بھی مانگ رہے ہیں اور بے وقوف بھی کہہ رہے ہیں، کس منہ سے خیبرپختونخوا کے عوام سے ووٹ مانگ رہے ہیں۔

ثمر ہارون بلور نے مزید کہا کہ ماضی میں ن لیگ نے صوبے کے حقوق دینے سے انکار کیا تھا، ہم نواز شریف کے اس عمل کی مذمت کرتے ہیں، نواز شریف اپنے الفاظ واپس لے کر پوری قوم سے معافی مانگیں۔

واضح رہے کہ گزشتہ روز نواز شریف نے لاہور میں ایک تقریب سے خطاب کرتے ہوئے کہا تھا کہ خیبرپختونخوا کے لوگ آسانی سے بے وقوف بن جاتے ہیں، یہ بیماری خیبرپختونخوا سے ہی آئی ہے۔