معروف بالی ووڈ اداکار سنجے دت لیجنڈری کرکٹر اور سابق پاکستانی کپتان وسیم اکرم، جنہیں سوئنگ آف سلطان بھی کہا جاتا ہے، کے بہت بڑے مداح نکلے۔

تفصیلات کے مطابق دبئی میں ایک تقریب کے دوران سنجے دت نے وسیم اکرم کی تعریف کرتے ہوئے کہا کہ میں یہاں وسیم اکرم کے ساتھ آنا اعزاز سمجھتا ہوں۔ وہ میرا بھائی ہے جسے میں اتنے سالوں سے جانتا ہوں۔‘‘

معروف اداکار کا کہنا تھا کہ انہوں نے اپنی زندگی میں جتنے عظیم کرکٹرز دیکھے ہیں ان میں وسیم اکرم بھی شامل ہیں، ان کی ریورس سوئنگ سے ہر کوئی خوفزدہ تھا۔

Advertisement

“Wasim bhai ki reverse swing se sab darr jatay thay”

Bollywood actor Sanjay Dutt praising Wasim Akram in an event in Dubai ❤️pic.twitter.com/CUiRWcHRVm

— Farid Khan (@_FaridKhan) January 31, 2024

اس حوالے سے اداکار کی ایک ویڈیو بھی کافی وائرل ہورہی ہے جسے دونوں ممالک کے مداح کافی پسند کر رہے ہیں۔

واضح رہے کہ وسیم اکرم ایک روزہ کرکٹ انٹرنیشنل (ODI) میں 500 سے زائد وکٹیں لینے والے پہلے پاکستانی اور دوسرے بین الاقوامی باؤلر ہیں اور 356 ایک روزہ میچوں میں 502 وکٹیں حاصل کی ہیں۔

وسیم اکرم نے نومبر 1984 سے جون 2003 تک اپنے 19 سالہ کیریئر میں 104 ٹیسٹ، 356 ون ڈے اور 5 ٹی ٹوئنٹی میچز میں قومی ٹیم کی نمائندگی کی۔

سوئنگ سلطان نے 1992 میں پاکستان کو ورلڈ کپ جتوانے میں اہم کردار ادا کیا اور انگلینڈ کے خلاف فائنل میں مین آف دی میچ قرار پائے۔