روزانہ ایک سیب کھانا ڈاکٹر سے دور رکھتا ہے، لیکن کیا روزانہ ایک سیب قبض کو دور کر سکتا ہے؟ تو اس کا جواب نفی میں ہے ضروری نہیں کہ سیب کھانے سے قبض دور ہو لیکن ایک پھل ایسا ہے جو دائمی قبض کو بھی منٹوں میں دور کر سکتا ہے اور وہ ہے وٹامن سی سے بھرپور کھٹی میٹھی نارنگی۔

حال ہی میں انسٹاگرام پر ایک ویڈیو کافی وائرل ہورہی ہے جس میں یہ دعویٰ کیا جارہا ہے کہ نارنگی کو دارچینی  اور لال مرچ لگا کر اس کے چھلکے سمیت کھا لیا جائے تو قبض چند منٹوں میں دور ہوسکتی ہے۔

یہ بات تو سب ہی جانتے ہیں کہ قبض کو ام الامراض کہا جاتا ہے یہ مرض  نہ صرف جسمانی بیماریوں کی وجہ  بنتا بلکہ کئی طرح کے نفسیاتی مسائل سے بھی دوچار کر دیتا ہے ۔ کیو نکہ جسم کو صحت مند رکھنے کے لئے صفائی کی ضرورت ہوتی ہے چاہے وہ بیرونی یا اندرونی۔

قبض کا مرض اس وقت جنم لیتا ہے جب آنتوں میں مادہ سخت ہو جاتا ہے اس کی وجہ پانی کی کمی ، ذہنی تناؤ، ورزش کی کمی یعنی جسمانی سرگرمی کا نہ ہونا، فائبر کی کمی، جنک فوڈ کا زیادہ استعمال یا کچھ ادویات جن کے اثرات قبض پیدا کر سکتے ہیں۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Bethany (@lilsipper)

 بچے، جوان، ضعیف افراد مرد اور خواتین ہر کسی کوعمر کے کسی بھی حصے میں قبض کی شکایت ہو سکتی ہے تاہم اب نارنگی کو چھلکوں سمیت کھانا قبض کو دور کر سکتا ہے۔

یہ ویڈیو اصل میں دسمبر 2022 میں پوسٹ کی گئی تھی، تاہم  اس کے حال ہی میں وائرل ہونے کی وجہ دسمبر 2023 میں اس کا دوبارہ پوسٹ کیا جانا ہے، اور مجموعی طور پر اسے 23.6 ملین بار دیکھا جاچکا ہے۔

لیل سپر نامی اس انسٹاگرامر نے اپنی قبض کو دور کرنے لیے جو طریقہ اختیار کیا اس کی ایک ویڈیو بنا کر انسٹاگرام پر شیئر کی تاکہ دوسرے لوگ بھی اس مرض سے نجات حاصل کر سکیں۔اس ویڈیو میں دیکھا جاسکتا ہے کہ انہوں نے ایک نارنگی کو پھانکوں میں کاٹا پھر اس پر دارچینی اور لال مرچ چھڑک کر اسے چھلکوں سمیت کھا لیا ان کا کہنا ہے کہ یہ قبض کو دور کرنے کا سب آسان طریقہ ہے جو منٹوں میں آپ کی قبض کو دور کر سکتاہے۔

بیتھنی، جو اس اکاؤنٹ کو سمبھالتی ہیں کیپشن میں لکھا کہ نارنگی میں نارنجین نامی فلیوونائڈ ہوتا ہے کہ عام طور پر قبض کو دور کرنے میں مدد کرتا ہے۔

جبکہ لال مرچ اور دار چینی میں کیپسیسین نامی مرکب ہوتا ہے، جو آپ کے TRVP1 ریسیپٹرز اور  GI ٹریکٹ کو متحرک کرتا ہے جس سے آنتوں میں موجود مواد بہت تیزی سے آگے بڑھتا ہے۔

لیکن کیا یہ سادہ سی ترکیب واقعی کام کرتی ہے ماہرین کیا کہتے ہیں؟

ایمی براؤنسٹین  جو کہ ایک رجسٹرڈ غذائی ماہر اور نیوٹریشن ہیں کا کہنا ہے کہ یہ بات درست ہے کہ نارنگی میں فائبر اور پانی کی کثیر مقدار موجود ہوتی ہے اور یہ دونوں ہی اجزاء قبض کو دور کرنے میں مدد دیتے ہیں۔

جبکہ نارنگی کے چھلکوں میں موجود فائبر دیگر ریشوں کے مقابلے میں کچھ خاص نہیں ہے۔انہوں نے مزید کہا کہ نارنگی کے چھلکے عام طور پر کھانے کے لیے محفوظ ہیں، لیکن نقصان دہ مادے جیسے کیڑے مار ادویات یا بیکٹیریا سطح پر موجود ہوسکتے، اس لیے پھلوں کو اچھی طرح دھونا ضروری ہے۔

تاہم، کچھ لوگوں میں یہ چھلکے پیٹ کی خرابی کا باعث بن سکتے ہیں، اس لیے پہلے تھوڑی مقدار سے شروع کیا جائے۔ اور چھلکے موٹے اور ذائقہ میں کڑوے ہوتے ہیں تو اس طرح اسے کھانا مشکل ہوسکتا ہے۔

نارنگی کے چھلکوں میں  82 فیصد پانی اور 7 گرام فائبر ہوتا ہے، تاہم یہ تناسب ایسا نہیں ہے جو کہ قبض کو دور کرنے میں مدد دے سکتا ہے۔