معروف بھارتی اداکار کی طبیعت ناساز، اسپتال منتقل

ویب ڈیسک

10th Feb, 2024. 12:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف بھارتی اداکار کی طبیعت ناساز، اسپتال منتقل

بالی ووڈ کے معروف سینئر اداکار متھن چکرورتی کی اچانک طبیعت ناساز ہونے کی وجہ سے انہیں اسپتال منتقل کردیا گیا ہے۔

غیر ملکی خبر رساں ادارے کی رپورٹ کے مطابق سینئر اداکار متھن چکرورتی کو ہفتے کی صبح مبینہ طور پر سینے میں درد کی شکایت کے بعد انہیں کولکتہ کے ایک نجی اسپتال میں داخل کرایا گیا۔

رپورٹ میں بتایا کہ وہ بے چین محسوس کر رہے تھے جس کے بعد انہیں فوری طور پر نجی اسپتال لے جایا گیا اوراور اس وقت ان کا علاج جاری ہے۔

دوسری جانب اداکار کے اہل خانہ نے ان کے اسپتال میں داخل ہونے کی اطلاعات پر ابھی تک کوئی رد عمل ظاہر نہیں کیا ہے اور اسپتال نے بھی ابھی تک کوئی بیان جاری نہیں کیا ہے۔

خیال رہے کہ اداکار متھن چکرورتی ، جو آخری بار مونی رائے، سبھاشری گنگولی، شرابنتی چٹرجی اور پوجا بنرجی کے ساتھ ڈانس ریئلٹی شو ڈانس بنگلہ ڈانس میں جج کے طور پر نظر آئے تھے، کو جنوری 2024 میں پدما ایوارڈ – پدم بھوشن – سے نوازا گیا تھا۔

علاوہ ازیں متھن چکرورتی نے اب تک ہندی، بنگالی، اوڈیا، بھوجپوری، اور تامل سمیت دیگر ہندوستانی زبانوں میں تقریباً 350 فلموں میں کام کیا ہے۔