بلوچستان میں چار بڑی جماعتوں کے صوبائی قائدین کو اپنی نشستوں پر شکست

ویب ڈیسک

11th Feb, 2024. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان میں چار بڑی جماعتوں کے صوبائی قائدین کو اپنی نشستوں پر شکست

پاکستان میں ہونے والے عام انتخابات میں صوبہ بلوچستان سے تعلق رکھنے والی چار بڑی جماعتوں کے قائدین مخالف امیدوار کے ہاتھوں شکست کھا گئے۔

تفصیلات کے مطابق ملک میں ہونے والے عام انتخابات میں صوبہ بلوچستان میں چار بڑی سیاسی جماعتوں کے صوبائی قائدین اپنے مخالف امیدواروں سے شکست کھا گئے ہیں۔

شکست کھانے والے امیدواروں کی جماعتوں میں پاکستان مسلم لیگ، جمعیت علماء اسلام، پاکستان پیپلز پارٹی اور عوامی نیشنل پارٹی شامل ہیں۔

انتخابی نتائج کے مطابق ن لیگ کے صوبائی صدر جعفر مندوخیل اپنی نشست ہار گئے جعفر مندوخیل پی بی 2 ژوب سے الیکشن لڑ رہے تھے انہیں جے یو آئی کے فضل قادر مندوخیل نے شکست دی۔

پیپلز پارٹی کے صوبائی صدر چنگیز جمالی کو این اے 255 پر شکست کا سامنا کرنا پڑا، چنگیز جمالی کو ن لیگ کے خان محمد جمالی نے شکست دی۔

جے یو ائی کے صوبائی امیر مولانا واسع کو پی بی 3 پر شکست ہوئی، انہیں آزاد امیدوار مولوی نور اللہ نے شکست دی۔

عوامی نیشنل پارٹی کے صوبائی صدر اصغر اچکزئی کو پی بی 51 سے شکست سے دوچار ہونا پڑا، آزاد امیدوار کیپٹن ریٹائرڈ عبدالخالق نے اصغر اچکزئی کو شکست دی۔