وزیراعلیٰ سندھ سید مراد علی شاہ نے بجلی تقسیم کرنے والی کمپنیوں اور سوئی سدرن گیس کمپنی کو 2000 روپے یا زائد بل اگلے 10 ماہ قسطوں میں لینے کے احکامات جاری کر دئیے۔

تفصیلات کے مطابق وزیراعلیٰ سندھ  سید مراد علی شاہ  نے کیسکو ، سیپکو ، اور کے الیکٹرک  کو ہدایت کی ہے کہ  جن لوگوں کے بل 5000 روپے تک ہے اُن سے اس ماہ کا بل نہ لیا جائے بلکہ 5 ہزارروپے کا بل اگلے 10 مہینوں میں تھوڑا تھوڑا کر کے لیں۔

 سید مراد علی شاہ  نے  یہ بھی کہا کہ یہ ہدایت  سوئی سائوتھرن  گیس  کے لیے بھی ہے  کہ جن کا بل 2000 روپے تک کا ہے اُن کا بل اس مہینے نہ لیا جائے بلکہ اگلے 10 ماہ میں قستوں میں لیں جبکہ  اگلے 2 مہینوں میں کوئی بجلی یا گیس کنکشن کاٹے نہیں جائیں گے۔

وزیراعلیٰ سندھ سید مراد علی شاہ  نے مزید کہا کہ چھوٹی دکانوں یا گھروں کے مالکان کو بھی ہدایت ہے کہ وہ کرائے کی وصولی میں رعایت دیں جبکہ وفاقی حکومت کو بھی درخواست کریں گے کہ وہ بھی پاور سپلائی اور گیس کمپنیوں کو گیس، فرنیس آئل کی سپلائی جاری رکھے۔

وزیرِ اعلیٰ سندھ کا لاک ڈاؤن کا اعلان

یاد رہے کہ اس سے قبل کورونا وائرس کے پھیلاؤ کے تناظر میں‌ سندھ بھر میں لاک ڈاؤن کا اعلان کردیا گیا ہے۔

وزیراعلیٰ سندھ  مراد علی شاہ نے کہا کہ سندھ میں لاک ڈاؤن کے اعلان کے بعد شہریوں کے بلا ضرورت گھروں سے نکلنے پر پابندی ہوگی، اشیائے خورو نوش کی دکانیں کھلی رہیں گی، کریانہ اور میڈیکل اسٹور بھی بند نہیں ہوں گے۔

وزیر اعلیٰ کا کہنا تھا کہ لاک ڈاؤن پورے صوبے میں ہوگا،  کنٹرول رومز آئی جی پولیس اور ڈی جی رینجرز کے دفاتر میں قائم کیے جائیں گے۔

واضح رہے کہ لاک ڈاؤن کا اطلاق اتوار کی رات(آج) 12 بجے سے کیا جائے گا۔

عوام نے ساتھ نہ دیا تو ہماری محنت رائیگاں جائے گی

Advertisement

کسی کام سے نکلیں شناختی کارڈ رکھیں #MuradAliShah #CMSindh #Coronavirus #StayHomeStaySafe #CoronaFreePakistan #RestInHome #LockDown #BOLNews pic.twitter.com/htPJAxG9xX

— BOL NETWORK (@BOLNETWORK) March 22, 2020