’’ملک مشکل حالات سے گزر رہا ہے، جو خدمت کرسکتے ہیں ملکر کریں گے‘‘

ویب ڈیسک

14th Feb, 2024. 02:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’’ملک مشکل حالات سے گزر رہا ہے، جو خدمت کرسکتے ہیں ملکر کریں گے‘‘

اسلام آباد: چوہدری شجاعت اور اعجازالحق نے کہا ہے کہ ملک مشکل حالات سے گزر رہا ہے، جو خدمت کرسکتے ہیں ملکر کریں گے۔

مسلم لیگ (ق) کے سربراہ چوہدری شجاعت نے اعجازالحق کے ہمراہ نیوز کانفرنس کرتے ہوئے کہا کہ جس سے بات ہورہی ہے وہ پارٹی سطح پر ہورہی ہے انفرادی نہیں، ملک کے لیے جو خدمت کر سکے کریں گے۔

دوسری جانب مسلم لیگ (ضیاء) کے سربراہ محمد اعجاز الحق نے کہاکہ چوہدری شجاعت کو الیکشن میں کامیابی پر مبارکباد دینے آیا، چوہدری شجاعت حسین ہمارے بزرگ اور مشکل کے ساتھی ہیں، ان سے ملاقات ہوئی، دوستوں سے مشاورت کریں گے، دوستوں سے مشاورت کرکے چوہدری شجاعت سے دوبارہ ملاقات کروں گا۔

انہوں نے کہا کہ ملک مشکل حالات سے گزر رہا ہے اتحاد کے ساتھ چلنے کی ضرورت ہے، تحریک انصاف سے ٹیلی فون پر رابطہ ہوا ہے ابھی ملاقات نہیں ہوئی۔

اعجاز الحق نے مزید کہا کہ پاکستان کے مفاد کا سوچیں گے تو مسائل بھی حل ہوجائیں گے، یہ جھگڑے کی بات نہیں کہ کون کس کے ساتھ کہاں بیٹھا ہوا ہے۔