شیر افضل مروت کو خواب میں بھی آصف زرداری نظر آرہے ہیں، فیصل کریم کنڈی

ویب ڈیسک

14th Feb, 2024. 08:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شیر افضل مروت کو خواب میں بھی آصف زرداری نظر آرہے ہیں، فیصل کریم کنڈی

شیر افضل مروت کے بیان پر پیپلزپارٹی کے رہنما فیصل کریم کنڈی کا ردعمل سامنے آگیا۔

پیپلزپارٹی کے رہنما فیصل کریم کنڈی کا کہنا ہے کہ میں شیر افضل مروت کو سنجیدہ شخص نہیں سمجھتا، اگر پی ٹی آئی والوں سے رابطہ کرنا ہوتا تو کسی سنجیدہ شخص کے ذریعے رابطہ کرتے۔

انہوں نے کہا کہ شیر افضل مروت کا دعویٰ بچکانہ اور غیر سنجیدہ ہے، پی ٹی آئی والوں کو پتا چل گیا ہے کہ اب ان کی حکومت نہیں بن رہی۔

فیصل کریم کنڈی کہتے ہیں کہ کبھی یہ کہتے ہیں 160 سیٹیں ہیں، ان کو خود بھی نہیں پتا کتنی سیٹیں جیتے ہیں۔ وہ خواب دیکھ رہے ہیں کہ 150 سیٹیں جیتے ہیں لیکن خواہشات اور خواب دیکھنے پر پابندی نہیں۔

ان کا مزید کہنا تھا کہ پی ٹی آئی کو اگر سرکاری موقف دینا ہے تو کسی سنجیدہ شخص سے دلوائے، شیر افضل مروت کامیڈی شو تو کرسکتے ہیں لیکن سنجیدہ سیاست دان نہیں بن سکتے جب کہ ان کو تو خواب میں بھی آصف علی زرداری ہی نظر آرہے ہیں۔