یوٹیلیٹی اسٹورز پر رمضان پیکچ کا اطلاق کب سے ہوگا؟ تجویز سامنے آگئی

عمر حیات خان

16th Feb, 2024. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوٹیلیٹی اسٹورز پر رمضان پیکچ کا اطلاق کب سے ہوگا؟ تجویز سامنے آگئی

اسلام آباد: یوٹیلیٹی اسٹورز پر رمضان ریلیف پیکچ 4 مارچ سے شروع کرنے کی تجویز سامنے آئی ہے۔

ذرائع کے مطابق ملک بھر میں یوٹیلیٹی اسٹورز پر رمضان ریلیف پیکچ 4 مارچ سے شروع کرنے کی تجویز ہے جب کہ رواں سال یوٹیلیٹی اسٹورز پرملکی تاریخ کا سب سے بڑا رمضان پیکچ کا فیصلہ کیا گیا ہے۔

ذرائع یوٹیلیٹی اسٹورز کے مطابق رمضان ریلیف پیکج 2024 کا اطلاق چاند رات تک ہوگا جب کہ ای سی سی نے 7 ارب 49 کروڑ روپے سے زائد کا رمضان پیکج منظورکیا ہے۔

حکام کا کہنا ہے کہ گذشتہ سال یوٹیلیٹی اسٹورز پر5 ارب روپے کا رمضان پیکچ منظور کیا گیا تھا، ٹارگیٹڈ سبسڈی کے ذریعے 19 بنیادی اشیاء پر رعایت دی جائے گی۔

حکام نے بتایا کہ آٹا، چینی، گھی، کوکنگ آئل، چاول اور دالوں پر سبسڈی دی جائے گی اور کھجور، بیسن، دودھ، مشروبات اور مصالحہ جات پر بھی رعایت دی جائے گی۔

حکام کا مزید کہنا تھا کہ بی آئی ایس پی مستحقین کو رمضان پیکج کے تحت ٹارگٹڈ سبسڈی ملے گی، ٹارگیٹڈ سبسڈی کےعلاوہ عام صارفین کے لیے بھی خصوصی رعایتی قیمت مقرر ہوگی۔