متحدہ عرب امارات ( یو اے ای ) میں بھی جزوی لاک ڈاؤن  اور تمام فلائٹ آپریشنز معطل  کرنے کا اعلان کردیا گیا ہے۔

سماجی رابطے کی ویب سائٹ پر متحدہ عرب امارات  کی حکومت کے آفیشل اکاؤنٹ  سے جاری کیے گئے پیغام میں  اعلان کیا گیا  ہےکہ  ملک میں 2 دن بعد تمام شاپنگ مالز بند کردئیے جائیں گے۔

#UAEGov decision to close shopping malls excludes pharmacies and food retail outlets, including cooperative societies, groceries and supermarkets.

— UAEGov (@uaegov) March 23, 2020

یو اے ای کے ائیر پورٹس کو بھی 48 گھنٹوں کے لئے بند کردیا جائے گا تاہم  فارمیسی اور کھانے پینے کی اشیا فراہم کرنے والی سپر مارکیٹس کھلی رہیں گی۔

اماراتی حکام کا کہنا ہے کہ ریسٹورنٹس سے صرف کھانا  لے جانے کے لئے فراہم کیا جائے گا، وہاں بیٹھ کر کھانے کی اجازت نہیں ہوگی۔

#UAEGov ordered the closure of shopping malls and limiting restaurants’ services to food delivery and take away, for a renewable period of two weeks. The decision will take effect in 48 hours.

— UAEGov (@uaegov) March 23, 2020

اماراتی حکام نے شہریوں سے گزارش کی ہے کہ  بلاضرورت گھر سے باہر نہ نکلیں اور صرف اپنی گاڑی میں سفر کریں  جبکہ  ایک گاڑی میں 3 سے زیادہ افراد سوار نہ ہوں۔

اماراتی حکام کا مزید کہنا ہے کہ ایمرجنسی کے بغیر اسپتال جانے سے گریز کریں، کسی کی عیادت کے لئے بھی اسپتال نہ جائیں ۔

#UAEGov suspended all inbound and outbound passenger flights and the transit of airline passengers in the UAE for two weeks. The decision, which is subject to re-assessment, will take effect in 48 hours.

— UAEGov (@uaegov) March 23, 2020

حکام کے مطابق پبلک ٹرانسپورٹ اور ٹیکسی سروس بند کرنے کا فیصلہ  بھی جلد کیا جائے گا۔

واضح رہے کہ  دنیا بھر میں کورونا وائرس سے متاثرہ افراد کی تعداد تین لاکھ 35 ہزار سے تجاوز کر گئی ہے جبکہ اس سے ساڑھے 14 ہزار سے زیادہ اموات ہو چکی ہیں۔

امریکا کورونا وائرس سے متاثرہ تیسرا بڑا ملک بن گیا

دنیا میں کورونا وائرس سے سب سے زیادہ تقریباً ساڑھے پانچ ہزاراموات اٹلی میں ہوئی ہیں جو کہ چین سے بھی زیادہ ہے جہاں سے یہ وبا ءشروع ہوئی تھی۔

یورپی یونین نے وائرس کے پھیلاؤ کے بعد 30 روز کے لیے یونین کے باہر سے تمام مسافروں  کے لیے اپنی سرحدیں بند کر دی ہیں۔

امریکہ میں اس وائرس سے متاثرہ افراد کی تعداد 31 ہزار سے زائد ہو چکی ہے اور 390 اموات ہوئی ہیں ۔امریکہ  نے اپنے شہریوں کو بیرون ملک سفر کرنے سے منع کر دیا ہے۔