آپ نے بہت دیر کردی، بلوچستان میں حکومت سازی کی پیشکش پر اسحاق ڈار کا جے یو آئی کو جواب

ویب ڈیسک

21st Feb, 2024. 10:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آپ نے بہت دیر کردی، بلوچستان میں حکومت سازی کی پیشکش پر اسحاق ڈار کا جے یو آئی کو جواب

بلوچستان میں حکومت سازی کے لیے تاخیر سے رجوع کرنے پر مسلم لیگ (ن) نے جے یو آئی سے معذرت کرلی۔

تفصیلات کے مطابق مسلم لیگ (ن) اور جمیعت علمائے اسلام کے وفد کے درمیان ملاقات ہوئی جس میں جے یو آئی نے مسلم لیگ (ن) کو بلوچستان میں حکومت سازی کی پیشکش کردی۔

ملاقات کے دوران جے یو آئی کی جانب سے ملاقات میں مولانا عبدالغفور حیدری موجود تھے اور ن لیگ کی جانب سے اسحاق ڈار نے نمائندگی کی۔

سیکرٹری جنرل جے یو آئی عبدالغفور حیدری نے کہا کہ جے یو آئی اور ن لیگ کم ازکم بلوچستان میں حکومت بناسکتی ہیں جس پر اسحاق ڈار نے جواب دیا کہ ہم تو چاہتے تھے کہ مل کر چلا جائے لیکن مولانا آپ نے بہت دیر کر دی، چار دن سے آپ سے رابطہ کر رہے تھے لیکن رابطہ نہ ہوسکا۔

اسحاق ڈار کا کہنا تھا کہ اب ہم نے پیپلزپارٹی کے ساتھ شراکت اقتدار کا معاہدہ کرلیا ہے، ن لیگ بلوچستان میں پیپلزپارٹی کے ساتھ مل کر حکومت بنانے والی ہے۔

سابق وزیر خزانہ نے مزید کہا کہ جے یو آئی کے ساتھ ہمارا پرانا ساتھ ہے، جے یو آئی کی پیشکش کے حوالے سے اعلیٰ قیادت کو آگاہ کیا جائے گا اور اس حوالے سے اعلیٰ قیادت ہی کوئی حتمی فیصلہ کرسکتی ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News