امیر جماعت اسلامی سراج الحق کا کہنا ہےکہ مسئلہ جیت یا ہارکا نہیں،ووٹ کے تقدس کی پامالی کاہے۔
سراج الحق نے اپنے حالیہ بیان میں کہاکہ عوام نے انتخابی دھاندلی کے خلاف فردجرم عائد کر دی، پہلے ووٹ اب نتائج چوری ہوتے ہیں، فارم 45 والے سڑکوں پر، فارم 47 والے عہدوں کی بندربانٹ میں مصروف ہیں۔
انہوں نے کہاکہ پرامن احتجاج کرنے والوں پر تشدد کی مذمت کرتے ہیں، ملک میں استحکام لانا ہے تو ادارے آئین اور حلف کی پاسداری کریں، بندوق، ڈنڈے کے زور سے بہتری نہیں آئے گی، عوام کا فیصلہ قبول کرنا ہوگا۔
امیر جماعت اسلامی کا کہنا ہےکہ جعلی الیکشن اور جعلی نتائج کے بعد بننے والی حکومت بھی جعلی ہے، الیکشن میں نام نہاد کامیابیاں حاصل کرنے والوں کے چہروں پر مسکراہٹ نہیں، ایک دوسرے کو مبارکباد بھی نہیں دے سکتے، سب کو حقیقت کا ادارک ہے، آزاد عدالتی کمیشن کے ذریعے الیکشن آڈٹ کا مطالبہ کرتے ہیں۔
سراج الحق نے کہاکہ چیف الیکشن کمشنر استعفیٰ دیں، جماعت اسلامی کا مینڈیٹ چوری ہوا، مسئلہ جیت ہارکا نہیں،ووٹ کے تقدس کی پامالی کاہے، عوام کے حقوق کے لیے چوکوں چوراہوں میں جدوجہد جاری رہے گی۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
