نومنتخب وزیراعظم شہباز شریف کی کابینہ کیلئے اہم وزراء کے نام سامنے آگئے

ویب ڈیسک

04th Mar, 2024. 03:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نومنتخب وزیراعظم شہباز شریف کی کابینہ کیلئے اہم وزراء کے نام سامنے آگئے

نومنتخب وزیراعظم شہباز شریف کی کابینہ کیلئے اہم وزراء کے نام سامنے آگئے ہیں۔

ذرائع کے مطابق مسلم لیگ ن کی قیادت میں وفاقی کابینہ کی تشکیل پر مشاورت جاری ہے، جس میں ممکنہ وزراء کے نام سامنے آئے ہیں۔

ذرائع نے بتایا ہے کہ ممکنہ وزراء میں اسحاق ڈار کا نام وزیر خزانہ کے مضبوط امیدوار کے طور پر سامنے آیا ہے جبکہ عطا تارڑ کو وزیر اطلاعات مقرر کیے جانے کا امکان ہے۔

ذرائع کا مزید کہنا ہے کہ وفاقی کابینہ میں خواجہ آصف، احسن اقبال اور امیر مقام کو بھی شامل کیا جائے گا جبکہ شزا خواجہ، انوشہ رحمان، اویس لغاری اور عبدالرحمان کانجو کو بھی کابینہ میں شامل کیا جاسکتا ہے۔

مسلم لیگ ن کے ذرائع نے بتایا ہے کہ تین مراحل میں 46 رکنی کابینہ تشکیل دی جائے گی۔

واضح رہے کہ گزشتہ روز شہباز شریف اسلامی جمہوریہ پاکستان کے 24 ویں وزیر اعظم منتخب ہوئے، قومی اسمبلی میں قائد ایوان کیلئے ہونے والے انتخاب میں شہباز شریف نے 201 اراکین کی حمایت حاصل کی جبکہ ان کے مد مقابل سنی اتحاد کونسل کے عمر ایوب نے 92 ووٹ لیے۔