مسلح افواج کو ایس سی او کیساتھ شراکت داری پر فخر ہے، جنرل ساحر شمشاد مرزا

سلمان علی اعوان

05th Mar, 2024. 04:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلح افواج کو ایس سی او کیساتھ شراکت داری پر فخر ہے، جنرل ساحر شمشاد مرزا

اسلام آباد: جوائنٹ چیفس آف اسٹاف کمیٹی کے چیئرمین جنرل ساحر شمشاد مرزا نے کہا ہے کہ پاکستانی قوم اور مسلح افواج کو ایس سی او کیساتھ شراکت داری پر فخر ہے۔

پاک فوج کے شعبہ تعلقات عامہ (آئی ایس پی آر) کے مطابق فوجی ادویات میں چیلنجز کے موضوع پر ایس سی او رکن ممالک کے سیمینار کی افتتاحی تقریب منعقد ہوئی جس میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے شرکت کی۔

افتتاحی تقریب میں جوائنٹ چیفس آف اسٹاف کمیٹی کے چیئرمین جنرل ساحر شمشاد مرزا نے صحت عامہ کے شعبے میں نئے اور پیچیدہ چیلنجوں پر اظہار خیال کیا۔

اس کے علاوہ چیئرمین جوائنٹ چیفس آف اسٹاف کمیٹی نے وبائی امراض اور انسانی بحران سے نمٹنے کے امور پر بھی روشنی ڈالی۔

مزید پڑھیں: چیئرمین جوائنٹ چیف آف اسٹاف کمیٹی جنرل ساحر شمشاد مرزا کا اردن کا سرکاری دورہ

جنرل ساحر شمشاد مرزا نے اجتماعی تیاریوں اور جوابی حکمت عملی کیلئے ایس سی او ممالک کے درمیان تعاون کو مضبوط بنانے پر بھی زور دیا۔

اس موقع پر جوائنٹ چیفس آف اسٹاف کمیٹی کے چیئرمین جنرل ساحر شمشاد مرزا نے خطاب کرتے ہوئے کہا کہ پاکستانی قوم اور مسلح افواج کو ایس سی او کے ساتھ شراکت داری پر فخر ہے۔

جنرل ساحر شمشاد مرزا نے مزید کہا کہ تعاون کو مزید وسعت دینے کے لیے پوری طرح پرعزم ہیں۔