بجٹ 2024-25؛ وفاقی ترقیاتی بجٹ کی ترجیحات کا تعین کرلیا گیا

عمر حیات خان

06th Mar, 2024. 03:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ 2024-25؛ وفاقی ترقیاتی بجٹ کی ترجیحات کا تعین کرلیا گیا

اسلام آباد: آئندہ مالی سال 2024-25 کے لیے وفاقی ترقیاتی بجٹ کی ترجیحات کا تعین کرلیا گیا۔

ذرائع کے مطابق آئندہ مالی سال میں نئے اور جاری ترقیاتی منصوبوں کے لئے فنڈزکی ترجیحات کا تعین کیا گیا ہے جب کہ زرعی ترقی، بلو اکانومی، سائنس اینڈ ٹیکنالوجی کے نئے منصوبے ترجیحات میں شامل ہیں۔

ذرائع نے بتایا کہ ڈیجیٹل انفراسٹرکچر، صنعتی فروغ کے نئے منصوبوں کو ترجیح دی جائے گی، آئندہ سال برآمدات سے متعلق نئے ترقیاتی منصوبوں کو ترجیح دینے کی تجویز ہے۔

ذرائع کا کہنا ہے کہ بجٹ میں پیداوار بڑھانے میں معاون نئے ترقیاتی منصوبے شامل کرنے کی تجویز ہے جب کہ نئے سال میں توانائی شعبے کے جاری منصوبوں کے لئے فنڈز کو ترجیح دی جائے گی۔

ذرائع کا مزید کہنا تھا کہ جاری اسٹریٹیجک نوعیت کے منصوبوں کو فنڈز میں ترجیح دی جائے گی جب کہ آبی وسائل، ٹرانسپورٹ اور مواصلات کے جاری منصوبوں کو ترجیح دینے کی تجویز ہے۔