حالیہ بارشوں سے بلوچستان میں نقصانات کی رپورٹ جاری

ویب ڈیسک

06th Mar, 2024. 09:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حالیہ بارشوں سے بلوچستان میں نقصانات کی رپورٹ جاری

بلوچستان کے مختلف اضلاع میں ہونے والی بارشوں سے نقصانات کی رپورٹ جاری کر دی گئی ہے۔

رپورٹ کے مطابق صوبے بھر میں 5 افراد جاں بحق ہوئے اور 1250 سے زائد گھروں کو نقصان پہنچا۔

پی ڈی ایم اے کی رپورٹ میں بتایا گیا ہے کہ حالیہ برساتوں سے 237 گھر مکمل طور پر تباہ ہوئے جبکہ 1021 گھروں کو جزوی طور پر نقصان پہنچا۔

برساتوں سے سب سے زیادہ متاثر گوادر ہوا جہاں سب سے زیادہ 1220 گھر متاثر ہوئے ہیں۔

کیچ میں 25 گھر، خاران میں 7 گھر اور کوئٹہ چار بارکھان میں ایک گھر متاثر ہوا۔

پی ڈی ایم اے کی رپورٹ کے مطابق بلوچستان کے پانچوں اضلاع میں مجموعی طور پر 1355 دیواریں گری ہیں۔

گوادرمیں ماہی گیروں کی 45 سے زائد کشتیوں کونقصان پہنچا۔

پی ڈی ایم اے کی رپورٹ کے مطابق گوادر،کیچ اورخاران میں بارشوں سے پہنچنے والے نقصانات کا سروے جاری ہے جبکہ سیلاب سے متاثرہ علاقوں میں ریلیف آپریشن بھی جاری ہے۔