چیئرمین این ڈی ایم اے لیفٹیننٹ جنرل محمد افضل کا کہنا ہے کہ کل سے پاکستان کے لئے چین کی جانب سے امدادی سرگرمیں کا آغاز کردیا جائیگا جو کہ ہر دن کی مناسبت بھڑھتا رہے گا۔

تفصیلات کے مطابق چیئرمین این ڈی ایم اے لیفٹیننٹ جنرل محمد افضل نے سینئر صحافیوں سےگفتگو کرتے ہوئے کہا کہ وسائل کو دیکھتے ہوئے فیصلے کر رہے ہیں۔

لیفٹیننٹ جنرل محمد افضل کا کہنا تھا کہ جمعہ کے روز سے وسیع پیمانے پر کام کا آغاز کیا جائیگا جو کہ اصل آغاز ہوگا جس میں ہم وہان جائگے اس کے بعد بیجنگ کی جانب روانہ ہوں گے۔

انہوں نے کہا کہ ملک میں اس وقت تقریبا2ہزار وینٹی لیٹرز ہیں اگر صورتحال بگڑی تو تقریبا آدھے ہمارے استعمال میں ہونگے۔

اصل خطرہ کورونا سے نہیں غلط فیصلوں سے ہے، وزیر اعظم

انہوں نے بتایا کہ پوری دنیا میں چین کے علاوہ کہیں کچھ موجود نہیں ہے او ر ہمارے مسلسل اصرار پر چین پاکستان کو پروٹیکٹیو اشیاء مہیا کرنے پر راضی ہوا ہے جبکہ پاکستان میں بھی بڑے پیمانے پر مسک بنانے کی تیاری شروع کردی گی ہے جس کا مٹیریل بھی چین سے منگوایا گیا ہے۔

لیفٹیننٹ جنرل محمد افضل نے کہا کہ ڈاکٹرز پروٹیکشن کٹ، 50 ہزار ٹیسٹنگ کٹس اور دیگر سامان چین دے گا۔انہوں نے کہا کہ 28 مارچ کو ایک دن کے لیے ہوسکتا ہے ہم سرحد کھول دیں، 27 مارچ کو ہم چین میں آرڈرز لکھوا دیں گے، 28 مارچ کو سامان آئے گا، پاکستان میں ڈیڑھ ماہ میں6 آرڈر بُک کرائے ہیں۔

چیئرمین این ڈی ایم اے کا کہنا تھا کہ کرونا وائرس ختم ہوگیا تو بہت پیسے آجائیں گے یہ وقت مدد کا ہے، لوگ منافع خوری چھوڑیں اور اپنی قوم کی مدد کریں۔

انہوں نے کہا کہ پاکستانی امپورٹرز کو کہا ہے ایک دن کے لیے بارڈر کھل رہا ہے، ایک دن کے لیے بارڈر کھلنےکی صورت میں چیزیں منگوا لیں۔