صدر مملکت آصف زرداری کا چینی صدر شی جن پنگ کو خط

ملک سعید اعوان

14th Mar, 2024. 12:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت آصف زرداری کا چینی صدر شی جن پنگ کو خط

اسلام آباد: صدر مملکت آصف علی زرداری نے چین کے صدر شی جن پنگ کو خط لکھ دیا ہے۔

خط میں چینی صدر کی جانب سے تہنیتی پیغام پر صدر مملکت آصف زرداری نے اُن کا شکریہ ادا کیا۔

صدر آصف زرداری نے کہا کہ چین کے ساتھ سدابہار شراکت داری مضبوط بنانے کیلئے پرعزم ہیں، پاکستان اور چین محض پڑوسی نہیں، بلکہ آہنی بھائی ہیں، دونوں ممالک کی مضبوط دوستی علاقائی امن، استحکام اور ترقی کیلئے کلید کی حیثیت رکھتی ہے۔

انہوں نے کہا کہ دونوں ممالک سدابہار تزویراتی تعاون کی شراکت داری کی کامیابی کیلئے پرعزم ہیں، پاکستان اور چین نے پاک-چین اقتصادی راہداری سمیت دوطرفہ تعاون کے مختلف شعبوں میں نمایاں پیش رفت کی۔

آصف علی زرداری نے مزید کہا کہ صدر شی جن پنگ کی غیر متزلزل حمایت سی پیک کی ترقی کیلئے ناگزیر رہے گی، تاریخ نے پاکستان اور چین کو ایک منفرد رشتے میں جوڑا ہے، تمام عالمی مسائل پر باہمی احترام، افہام و تفہیم اور مشترکہ خیالات سے پاک -چین تعلقات مزید مستحکم ہوئے۔

خط میں صدر مملکت نے چین کے ساتھ عملی تعاون مزید مستحکم بنانے کے عزم کا اعادہ کیا اور صدر شی جن پنگ کی جانب سے پاک چین دوستی کی جانب صدر زرداری کے عزم کے اعتراف کو بھی سراہا۔