بحرین کے ساتھ فوجی تعاون کو مزید وسعت دینے کیلئے پرعزم ہیں، آرمی چیف

ویب ڈیسک

16th Mar, 2024. 09:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بحرین کے ساتھ فوجی تعاون کو مزید وسعت دینے کیلئے پرعزم ہیں، آرمی چیف
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

بحرین کے ساتھ فوجی تعاون کو مزید وسعت دینے کیلئے پرعزم ہیں، آرمی چیف

آرمی چیف جنرل سید عاصم منیر بحرین کے ساتھ فوجی تعاون کو مزید وسعت دینے کے لیے پرعزم ہیں۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر سے بحرین نیشنل گارڈز کے کمانڈر جنرل شیخ محمد بن عیسیٰ بن سلمان الخلیفہ نے ملاقات کی۔

آرمی چیف اور بحرین نیشنل گارڈز کے کمانڈر کی ملاقات جی ایچ کیو راولپنڈی میں ہوئی۔ ملاقات میں دو طرفہ عسکری تعاون کو مزید مضبوط بنانے پر زور دیا گیا۔

پاک بحرین عسکری قیادت نے باہمی دلچسپی کے امور بشمول علاقائی سیکیورٹی صورتحال، انسداد دہشت گردی اور تربیتی امور پر تبادلہ خیال کیا۔

اس موقع پر آرمی چیف جنرل عاصم منیر نے کہا کہ پاکستان بحرین کےساتھ روایتی دفاعی،سفارتی اور اقتصادی تعلقات کو خصوصی اہمیت دیتا ہے۔

انہوں نے کہا کہ بحرین کے ساتھ فوجی تعاون کو مزید وسعت دینے کے لیے پرعزم ہیں۔ خطے میں فروغ امن اور استحکام کے لیے سیکیورٹی چیلنجز پرتوجہ دیناہوگی۔

بحرینی کمانڈر نے انسداد دہشتگردی کے لیے پاکستان کی کوششوں کی تعریف کرتے ہوئے کہا کہ پاکستان کے ساتھ دفاعی،سیکیورٹی تعاون کو مزید وسعت دینے کے خواہاں ہیں۔