شمالی وزیرستان میں سیکیورٹی فورسزکی کارروائی؛ 8 دہشت گرد مارے گئے

سلمان علی اعوان

18th Mar, 2024. 01:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی وزیرستان میں سیکیورٹی فورسزکی کارروائی؛ 8 دہشت گرد مارے گئے

سیکیورٹی فورسزاور دہشتگردوں کے درمیان فائرنگ کے تبادلے میں انتہائی مطلوب دہشت گردکمانڈرسہرا عرف جانان مارا گیا۔

پاک فوج کے شعبہ برائے تعلقاتِ عامہ آئی ایس پی آرکے مطابق سیکیورٹی فورسزنے شمالی وزیرستان میں دہشت گردوں کی موجودگی کی اطلاع پرانٹیلی جنس بیسڈ آپریشن کیا۔

آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، سیکیورٹی فورسز کی کارروائی میں 8 دہشت گرد مارے گئے۔

آئی ایس پی آرکے مطابق مارے جانے والے دہشت گردوں میں انتہائی مطلوب دہشت گرد کمانڈر سہرا عرف جانان بھی شامل تھا۔ سیکیورٹی فورسز نے 17 اور18 مارچ کی درمیانی شب کوآپریشن کیا۔ دہشت گرد کمانڈر سہرا عرف جانان 16 مارچ کو میرعلی میں سیکیورٹی فورسز کی چوکی پر حملے میں بھی ملوث تھا۔ دہشت گرد کمانڈر قانون نافذ کرنے والے اداروں کو انتہائی مطلوب تھا۔

آئی ایس پی آر کے مطابق علاقے سے دہشت گردوں کا خاتمہ یقینی بنانے کے لئے سینیٹائزیشن آپریشن جاری ہے، پاکستان کی سیکیورٹی فورسز دہشت گردی کے خاتمے کیلئے پرعزم ہیں۔