پی ایس ایل 9 کے فائنل  میچ کے ہیرو عماد وسیم بڑی مشکل میں پھنس گئے۔

تفصیلات کے مطابق گزشتہ رات پاکستان سپر لیگ کے نویں ایڈیشن کا فائنل اسلام آباد یونائیٹڈ اور ملتان سلطانز کی ٹیموں کے مابین کھیلا گیا۔

عماد وسیم جو کہ نیشنل ٹیم میں جگہ نہ ملنے پر دلبرداشتہ ہوکر انٹرنیشنل کرکٹ سے ریٹائرمنٹ  لے کر ایک مخصوص طبقے کی جانب سے تنقید کی زد میں تھےاب اپنے ایک غلط عمل کی وجہ سے مزید تنقید کا شکار ہوگئے۔

فائنل میچ کے اٹھارہویں اوور میں آل راؤنڈر عماد وسیم کو ڈریسنگ میں روم میں بیٹھے بڑی اسکرین پر دیکھایا گیا تو وہ سیگریٹ پی رہے تھے جو میچ کے دوران لائیو دیکھا گیا۔

عماد وسیم کی یہ ویڈیو دیکھتے ہی دیکھتے سوشل میڈیا پر تیزی سے وائرل ہوگئی جس کے بعد انہیں نہ صرف ناقدین بلکہ اپنے مداحوں کی جانب سے بھی اس عمل پر تنقید کا نشانہ بنایا جارہا ہے۔

یاد رہے کہ عماد وسیم کو سلطانز کے خلاف فائنل میچ میں پلئیر آف دی ایوارڈ سے نوازا گیا تھا۔

عماد وسیم نے 4 اوورز میں 23 رنز کے عوض 5 وکٹیں حاصل کی تھیں اور میچ کے اختتامی لمحات میں 19 رنز کی اننگز کھیل کر ٹیم کو فتح سے ہمکنار کروایا تھا۔

پاکستان کرکٹ بورڈ یا پی ایس ایل انتظامیہ کی جانب سے عماد وسیم کے ڈریسنگ روم میں سگریٹ پیے جانے پر ابھی تک کوئی رد عمل سامنے نہیں آیا ہے۔