یوں تو انگریزی زبان  میں بہت سے الفاظ موجود ہیں لیکن ایک لفظ ایسا بھی ہے جسے پڑھنے میں بہت زیادہ وقت لگ سکتا ہے ۔

اپنے بچپن کو یاد کریں تو 34 حروف پر مشتمل لفظ “Supercalifragilisticexpialidocious” ذہن میں آتا ہوگا، جو 1964 کی مشہور فلم ’میری پاپینز‘ کے لیے بنایا گیا تھا۔

یا شاید آکسفورڈ انگلش ڈکشنری کے سب سے لمبے لفظ کا حوالہ دیں جو کہ “pneumonoultramicroscopicsilicovolcanoconiosis,” ہے، جو کہ 45 حروف لمبا ہے اور اس سے مراد پھیپھڑوں کی بیماری ہے ۔

لیکن حقیقت میں یہ انگریزی زبان کے طویل الفاظ نہیں ہیں درحقیقت، جسے کچھ لوگ سب سے اس زبان کا لمبا لفظ قرار دیتے ہیں کہنے میں تقریباً 2-3 گھنٹے لگتے ہیں۔

یہ لفظ “methionyl…” سے شروع ہوتا ہے اور “…isoleucine” پر ختم ہوتا ہے اور یہ کہنے میں اتنا وقت لگتا ہے کیونکہ اس میں 189,819 حروف ہوتے ہیں۔

‘Methionylthreonylthreonylglutaminylarginyl…isoleucine’ ‘titin’ کا مکمل کیمیائی نام ہے جو کہ سب سے بڑا پروٹین ہے جو 34,000 سے زیادہ امینو ایسڈز سے بنا ہے – جو لفظ کی لمبائی کی وضاحت کرتا ہے جو کہ ان تمام امینو ایسڈز کے نام رکھتا ہے۔

سال 2017 میں مقبول مسٹر بیسٹ نامی یوٹیوبر نے اس کیمیائی نام کو مکمل طور پر بولنے میں تقریباً 2 گھنٹے لگائے تھے حالانکہ دوسروں نے اسے کہنے میں تین گھنٹے کا وقت لیا ہے۔

لغت نگار تکنیکی طور پر اسے ایک لفظ کے طور پر درجہ بندی نہیں کرتے ہیں بلکہ یہ ایک “زبانی فارمولہ” کہا جاتا ہے لہذا آپ اسے لغت میں تلاش نہیں کر پائیں گے۔