بالی ووڈ کے ایکشن ہیرو اکشے کمار نے گزشتہ دنوں باکس آفس پر اپنی فلموں کے فلاپ ہونے کا ایک سلسلہ دیکھا ہے اور اپنی آنے والی فلم ’بڑے میاں چھوٹے میاں‘ کی ریلیز کیلئے تیار ہیں۔

میڈیا رپورٹس کے مطابق اپنی آنے والی فلم کے ٹریلر لانچ کے موقع پر، اداکار نے اپنی حالیہ فلموں بشمول سیلفی اور مشن رانی گنج کے متعلق بات کی ہے۔

اکشے نے کہا کہ وہ اپنی فلموں کی کامیابی کو یقینی بنانے کے لیے بہت محنت کر رہے ہیں، تاہم باکس آفس ان کے ہاتھ میں نہیں ہے۔

انہوں نے کہا، ہم ہر طرح کی فلم کے لیے کوشش کرتے رہتے ہیں۔ میں ایک قسم کی صنف پر قائم نہیں رہتا ہوں۔ میں ایک صنف سے دوسری صنف میں کام کرتا رہتا ہوں، چاہے کامیابی ہو یا کوئی ناکامی، میں نے ہمیشہ اسی طرح کام کیا ہے۔ میں اسے جاری رکھوں گا۔‘‘

اکشے نے مزید کہا، میں ہمیشہ مختلف قسم کے کردار ادا کرتا رہوں گا۔ میں صرف ایک قسم کی بات پر قائم نہیں رہوں گا کیونکہ اگر میں ایک قسم کا کام کرتا ہوں تو میں خود بور ہونے لگتا ہوں، پھر چاہے کامیابی ملے یا ناکامی۔

اکشے نے پھر وہ وقت یاد کیا جب ان کی مسلسل 16 فلمیں فلاپ ہوئیں تھیں اور کہا، “ایسا نہیں ہے کہ میں نے یہ سب پہلے نہیں دیکھا تھا، ایک وقت تھا جب میرے کیریئر میں لگاتار میری 16 فلمیں فلاپ ہوئیں ہیں لیکن میں وہیں کھڑا رہا اور کام کرتا رہا اور اب بھی ایسا ہی کروں گا۔‘‘