پولیس نے لیاری گینگ وار کے سرغنہ ارشد پپو کے بھتیجے کو گرفتار کرلیا

محمد کاشان صدیقی

27th Mar, 2024. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس نے لیاری گینگ وار کے سرغنہ ارشد پپو کے بھتیجے کو گرفتار کرلیا

کراچی: کیماڑی پولیس نے لیاری گینگ وار کے سرگرم رکن اور ارشد پپو کے بھتیجے کو گرفتار کرلیا

کیماڑی پولیس کے مطابق ٹارگیٹڈ کارروائی کرتے یوئے لیاری گینگ وار کا سرگرم رکن طلحہ عرف جہانگیر کو گرفتار کیا گیا ہے جب کہ گرفتار ملزم بدنام زمانہ لیاری گینگ وار کا سرغنہ ارشد پپو کا بھتیجا ہے۔

پولیس کا کہنا ہے کہ ملزم ٹارگٹ کلنگ، بھتہ خوری اور منشیات فروشی سمیت متعدد سنگین جرائم میں ملوث ہے، گرفتار ملزم کے قبضہ سے غیر قانونی اسلحہ اور منشیات برآمد ہوئیں ہیں جب کہ ملزم لاشاری محلہ، جہان آباد اور ملحقہ علاقوں میں منشیات کا نیٹ ورک آپریٹ کررہا تھا۔

پولیسنے بتایا کہ ملزم نے دوران انٹروگیشن مخالف گینگ وار گروپوں پر گرنیڈ حملوں سمیت، ٹارگٹ کلنگ اور بھتہ خوری کی متعدد وارداتوں کا بھی انکشاف کیا ہے۔

پولیس کا مزید کہنا تھا کہ ملزم اس سے قبل بھی ایکسپلوزیو ایکٹ، قتل و نا جائز اسلحہ جیسے مختلف مقدمات میں گرفتار ہو کر جیل جاچکا ہے، ملزم کے خلاف مقدمہ درج کرکے مزید تفتیش کی جارہی ہے۔