پاکستان بزنس فورم کا دکانداروں کو ٹیکس نیٹ میں لانے کےفیصلے کوآسان بنانے پر زور
پاکستان بزنس فورم نے دکانداروں کو ٹیکس نیٹ میں لانے کے فیصلے کو آسان بنانے پر زوردیا ہے۔
پی بی ایف کا کہنا ہے کہ ایس آر او 420کے تحت متعارف کرائی گئی تاجر دوست اسکیم 2024پرسخت تحفظات رکھتے ہیں جنہیں دور کیا جائے، اسٹیک ہولڈرز کو پالیسی سازی کے عمل میں شریک کیا جائے تاکہ مطلوبہ نتائج حاصل کیے جائیں۔
ترجمان پاکستان بزنس فورم کے مطابق اس ٹیکس کو سادہ بنایا جائے تاکہ دکاندار سال میں صرف ایک مرتبہ سنگل پیج ریٹرن جمع کرائیں، ٹیکس آمدن میں اضافہ ضروری کیونکہ ملک چلانے کے لئیے سالانہ 12 کھرب ٹیکس وصولی کی ضرورت ہے۔
پی بی ایف کے ترجمان ڈاکٹر احسن محمود کا کہنا ہے کہ کاروباری مقام کی حقیقی مارکیٹ ویلیو کا تعین پیچیدہ مرحلہ ہے جس کے تعین میں مشکلات پیش آئیں گی، ایک اہم سوال یہ بھی ہے کہ بجلی کے بلوں کے ساتھ ایڈجسٹیبل سیلز ٹیکس وصول کرنا بند کیا جائے یا نہیں؟
ڈاکٹراحسن محمود کا کہنا ہے کہ ٹیکس نظام کو مشاورت سے چھوٹے چھوٹے شہروں تک پھیلانا ہوگا، حکومت تاجر کنونشن بلائے تاکہ مشورہ سے ٹیکس پالیسی میں تبدیلی لائی جاسکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
