عظمٰی بخاری نے کہا ہے کہ انڈے، کٹے، مرغی والی حکومت چلی گئی، کھلاڑی وزیراعظم نے پنجاب میں ایک بھی کھیل کا میدان نہیں بنایا۔

صوبائی وزیراطلاعات پنجاب عظمٰی بخاری نے کہا ہے کہ چیلنج کرتی ہوں وزیراعلی ٰکاکوئی بھی کام صرف کاغذوں پرنہیں، ہرضلع میں اپناگھراسکیم کیلئےزمینیں دیکھ لی گئی ہیں، وزیراعلیٰ انقلابی کام کررہی ہیں، مزید 18 اضلاع میں سیف سٹی بنا رہےہیں۔

عظمی ٰبخاری نے کہا کہ اسپتالوں کی ایمرجنسی میں مفت ادویات کی دوبارہ شروع ہوگئی، گلی محلوں میں کبھی صفائی کا رواج نہیں رہا، کوڑاابھی ختم نہیں ہوا، کوڑے کے ڈھیرختم کیےجارہےہیں، شہروں کی صفائی ستھرائی کا ابھی یہ پہلا مرحلہ ہے،  کوڑے کے ڈھیرابھی اٹھائےجارہے ہیں جانوروں کافضلہ اٹھایاجارہاہے۔ صاف ستھرا پنجاب میں 90 دن کاصفائی پروگرام شروع کیا۔

وزیراطلاعات نے کہا کہ شہریوں سےجاکرپوچھیں وہ گلی محلےکی صفائی پرکتنےخوش ہیں، انڈے کٹے اورمرغیوں والی حکومت چلی گئی،  مسلم لیگ ن کی حکومت آئی ٹی سٹی بنائے گی، ہر ڈسٹرکٹ میں اپناگھراسکیم لا رہے ہیں۔

انھوں نے کہا کہ پنجاب کے عوام گلی محلوں کو صاف ستھرا ہوتادیکھ کر خوش ہیں، ہراسانی سے متعلق خواتین کی شکایات کیلئے ایپ لانچ کی گئی ہے، وزیراعلی پنجاب کا کوئی بھی کام صرف کاغذوں پر نہیں، کچھ عرصے بعد لاہورکے ہرعلاقے میں فری وائی فائی کی سہولت میسرہوگی۔ نوازشریف آئی ٹی سٹی بنانے کا عمل تیز کیاجائےگا۔

عظمی بخاری نے کہا کہ کسی کو گھرسے باہر کوڑاپھینکنے کی اجازت نہیں ہوگی، اسپتالوں کی ایمرجنسی میں مفت ادویات فراہمی کاسلسلہ دوبارہ شروع ہو گیا، پنجاب میں رمضان کے دوران اشیائے ضروریہ کی قیمتیں کم ہوئی ہیں۔ فیصلہ ہوا تھا کہ 30 روز میں لاہورکا کچرااٹھایاجائے گا۔

انھوں نے مزید کہا کہ کھلاڑی وزیراعظم نے پنجاب میں ایک بھی کھیل کا میدان نہیں بنایا، پنجاب حکومت ایک کینسر اور کارڈیک اسپتال بنائے گی، وزیراعلیٰ مریم نواز کو صرف 6 گھنٹے آرام کیلئے ملتے ہیں، وزیراعلیٰ مریم نواز دن میں 18 گھنٹے کام کرتی ہیں۔