انسداد دہشت گردی کی عدالت نے نومئی واقعات میں گرفتار اکیاون ملزمان کو پا نچ، پا نچ سال قید کی سزا کا حکم دے دیا۔

تفصیلات کے مطابق گوجرانوالہ میں انسداد دہشت گردی عدالت کی جج نے نو مئی کو حساس تنصیبات پر حملے، جلاؤ گھیراؤ کے مقدمہ میں گرفتار 51 ملزمان کو پا نچ، پا نچ سال قید کی سزا کا حکم دے دیا۔

جج نے کیس کی سماعت سینٹرل جیل میں کی۔ فا ضل جج نے نو مئی کے واقعات میں گرفتارتمام51 ملزمان کو مختلف دفعات کے تحت پانچ پانچ سال کی سزا کا حکم سنایا۔

اس موقع پرگوجرانوالہ سینٹرل جیل کی سیکیورٹی ہا ئی الرٹ اورپولیس کی بھاری نفری تعینات کی گئی تھی۔ نو مئی کو پی ٹی آئی کے کارکنوں کی جانب سے احتجاج کے دوران حساس تنصیبات پر حملے کیے گئے تھے۔

مظاہرین کے حملے میں ایک ایس پی سمیت پولیس کے دس اہلکا ر زخمی اور ایک شہری قتل ہوا تھا۔ مظاہرین کی جانب سے چارگا ڑیاں بھی توڑی گئی تھیں۔

نو مئی کو تھا نہ کینٹ پو لیس نے ایس ایچ او مدثربٹ کی مدعیت میں مقدمہ درج کیا تھا۔ پی ٹی آئی کے ٹکٹ ہو لڈرزسمیت 23 نامزد اورتین سے چارسو نامعلوم افراد کیخلا ف مقدمہ درج کیا گیا تھا۔

انسداد دہشت گردی کی عدالت میں نو مئی کا مقدمہ زیر سما عت رہا۔ پولیس نے مقدمہ میں ملوث 51 ملزمان کو گرفتار کر لیا تھا۔

دہشت گردی عدالت پی ٹی آئی کے مرکزی رہنما ؤں شاہ محمود قریشی، مراد سعید، علی امین گنڈا پورسمیت متعدد رہنماؤں کی جائیداد قرقی کا حکم بھی دے چکی ہے۔

مقدمہ میں نامزد پی ٹی آئی کے متعدد رہنما عدالتوں سے عبوری ضما نتوں پر ہیں۔