‘بجلی کے بلوں میں کمی عید پر عوام کیلئے حکومت کا تحفہ ہے’

ویب ڈیسک

12th Apr, 2024. 12:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘بجلی کے بلوں میں کمی عید پر عوام کیلئے حکومت کا تحفہ ہے’

وفاقی وزیر اطلاعات کا کہنا ہے کہ بجلی کے بلوں میں کمی عید پر عوام کے لیے حکومت کا تحفہ ہے۔

تفصیلات کے مطابق وفاقی وزیر اطلاعات عطا تارڑ نے کہا کہ ایکسچینج ریٹ اور روپے کی قدر مستحکم رہنے سے یہ ممکن ہوا، کوشش ہوگی یہ سلسلہ چلتا رہے۔

انہوں نے مزید کہاکہ وزیراعظم شہباز شریف کا فوکس مہنگائی میں کمی پر ہے، معیشت سے متعلق مثبت اشاریے سامنے آرہے ہیں۔

وفاقی وزیر توانائی سردار اویس خان لغاری نے چھوٹی عید پر عوام کو بجلی قیمتوں میں کمی کی بڑی خوشخبری سنائی ہے۔

وفاقی وزیر توانائی سردار اویس لغاری کا کہنا ہےکہ اپریل کے بجلی کے بلوں میں 3 روپے 82 پیسے فی یونٹ کمی ہوئی ہے، یہ مجموعی کمی ڈالر کے لحاظ سے سہہ ماہی اور فیول پرائس ایڈجسٹمنٹس کی وجہ سے ہوئی ہے۔

وفاقی وزیر نے کہا کہ رواں ماہ کے بلوں پر فیول پرائس ایڈجسٹمنٹ 7 روپے 6 پیسہ فی یونٹ سے کم ہو کر 4 روپے 92 پیسے مقرر ہوئی جس سے ایندھن کی قیمت میں 2 روپے 14 پیسے کی کمی ہوئی۔