نوشکی واقعہ، بس میں سوار مسافر کا ویڈیو بیان سامنے آگیا

ویب ڈیسک

13th Apr, 2024. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوشکی واقعہ، بس میں سوار مسافر کا ویڈیو بیان سامنے آگیا

نوشکی واقعہ، بس میں سوار ایک مسافر کا ویڈیو بیان سامنے آگیا

کوئٹہ: نوشکی میں نامعلوم افراد نے 9 مسافروں سمیت 11 افراد کو قتل کردیا۔

بلوچستان کے ضلع نوشکی میں دہشت گردی کا واقعہ رپورٹ ہوا ہے جس میں نامعلوم افراد نے بس میں سوار 9 مسافروں سمیت 11 افراد کو قتل کردیا جب کہ بس کوئٹہ سے تفتان جارہی تھی۔

بس میں سوار ایک مسافر سجاد احمد کا ویڈیو بیان سامنے آگیا ہے جس میں انہوں نے بتایا کہ بس میں ہم 19 افراد سفر کر رہے تھے جن میں 4 عورتیں اور 15 مرد شامل تھے۔

سجاد احمد کہتے ہیں کہ ہم کوئٹہ سے براستہ ایران جا رہے تھے کہ نوشکی کے قریب بس میں چند نقاب پوش افراد داخل ہوئے جنہوں نے بس سے اٹھ سے نو افراد کو نیچے اتار لیا۔

انہوں نے کہا کہ مسلح افراد نے بس سے نیچے اتارے گئے افراد پر گولیاں چلائیں جب کہ ہمیں بس میں گولیاں چلنے کی آوازیں سنائی دے رہی تھیں۔

مسافر نے مزید بتایا کہ بس کا ڈرائیور بس کو آگے لے گیا اور آگے لے جاکر قریب ہی ایک تھانے میں پہنچادیا۔