کورونا وائرس کی وبا ءکے اثرات سے نمٹنے کے لیے اسٹیٹ بینک  آف پاکستان اور پاکستان بینکس ایسوسی ایشن نے ریلیف پیکیج جاری کردیا۔

تفصیلات کے  مطابق  اسٹیٹ بینک نے کورونا وائرس کی وبا ء کے ممکنہ معاشی اثرات کے پیش نظر  پاکستان بینکس ایسوسی ایشن کی شراکت سے  ریلیف پیکیج کا اعلان کیا ہے۔

جاری کردہ پیکیج سے متعلقہ فریقوں بشمول گھرانوں اور کاروباری اداروں (مائیکروفنانس، ایس ایم ایز، کارپوریٹس، کمرشل، خردہ، اور زراعت)کو  اپنے مالی امور نمٹانے میں مدد ملے گی۔

پیکج  میں بینکوں کی مجموعی قابل قرضہ رقوم بڑھا دی گئی ہیں۔

کورونا آوٹ بریک: گندم کی قیمتوں میں 1000 روپے تک کا اضافہ

بینکاری شعبے کو کاروباری اداروں اور گھرانوں کو اضافی قرضوں کی فراہمی میں مدد  دینے کے لیے اسٹیٹ بینک نے کیپیٹل کنزوریشن  بفر  میں کمی کر کے اسے موجودہ 2.50 فیصد سے 1.50 فیصد کر دیا۔

پیکج کے تحت بینکس تقریباً 800 ارب روپے کی اضافی رقم کو مزید قرض دینے کے لیے استعمال کرنے کے قابل ہو جائیں گے جو  موجودہ واجب الادا قرضوں کے تقریباً 10 فیصد کے مساوی ہے۔

پیکج میں  ایس ایم ایزکو قرضوں کی ضوابطی حد مستقل طور پر بڑھا دی گئی ہے۔  خطرے سے گریز کی بلند سطح اور معاشی مندی کے ادوار میں عام طور پر قرضوں میں سکڑاؤ کے زیادہ اثرات ایس ایم ای شعبے پر مرتب ہوتے ہیں۔

پیکج میں ایس ایم ایز کو اضافی قرضوں کی فراہمی  کے لیے   125 ملین روپے کی حد میں مستقل اضافہ کرتے ہوئے اسے فوری طور پر 180 ملین روپے کر دیا  ہے۔اس اقدام سے بینکوں کو سہولت ملے گی کہ وہ ریٹیل ایس ایم ایز کو زیادہ قرضے فراہم کرسکیں۔

کے الیکٹرک کے صارفین کیلئے بجلی کی قیمت بڑھانے کی منظوری

جاری کردہ پیکج میں  انفرادی طور پر قرض لینے والوں کے لیے  قرض گیری کی حدود میں ایک سال کا اضافہ کردیا گیا ہے۔

اسٹیٹ بینک نے صارفی قرضوں کے لیے قرض کے بوجھ کے تناسب(ڈی بی آر) میں نرمی کرتے ہوئے اسے 50 فیصد سے بڑھا کر 60 فیصد کر دیا ہے۔اس سے 2.3 ملین افراد کو ضرورت کے اِس زمانے میں بینکوں سے مزید قرضے لینے کا موقع ملے گا۔

 بینکوں کی فنانسنگ پر مارجن کال کی شرائط میں  بھی کمی کردی گئی ہے۔

حصص کی قیمتوں میں بھاری کمی کو مدنظر رکھتے ہوئے لسٹڈ شیئرز میں بینکوں کی فنانسنگ پر مارجن کال کی 30 فیصد شرط میں خاصی کمی کرتے ہوئے اسے 10 فیصد کر دیا گیا ہے۔

 بینکوں کو قرض لینے والوں کو اپنے گروپ کی کمپنیوں کے حصص پر قرضے دینے کی اجازت دی گئی ہے۔ اس وقت بینکوں نے  لسٹڈ شیئرز کے عوض 100 ارب سے زائد کے قرضے دے رکھے ہیں۔