نائجیریا دنیا کا پہلا ملک بن گیا ہے جس نے گردن توڑ بخار کی نئی ویکسین متعارف کرا دی ہے۔

خلیجی خبر رساں ادارے کی خبر کے مطابق عالمی ادارہ صحت (ڈبلیو ایچ او) نے کہا ہے کہ نائجیریا گردن توڑ بخار کے خلاف “انقلابی” نئی مین 5 سی وی ویکسین متعارف کرانے والا دنیا کا پہلا ملک بن گیا ہے۔

ڈبلیو ایچ او کا کہنا ہے کہ نئی ویکسین نائجیریا میں موجود بیماری کی پانچ بڑی اقسام سے تحفظ فراہم کرتی ہے جبکہ ابتدائی ویکسین صرف ایک قسم کے خلاف کام کرتی ہے۔

نائجیریا افریقہ میں اس مہلک بیماری میں سب سے زیادہ متاثر ہونے والا ملک ہے۔ ڈبلیو ایچ او کے مطابق گزشتہ سال 26 افریقی ممالک میں سالانہ کیسز میں 50 فیصد اضافہ ریکارڈ ہوا تھا۔

عالمی ادارہ صحت (ڈبلیو ایچ او) کے ڈائریکٹر جنرل ٹیڈروس گیبریسس نے ایک بیان میں کہا ہے کہ نائجیریا کا یہ منصوبہ ہمیں 2023 تک گردن توڑ بخار کے خاتمے کے اپنے ہدف کی جانب ایک قدم قریب لے آیا ہے۔

ڈبلیو ایچ او کے اعداد و شمار سے پتہ چلتا ہے کہ گزشتہ اکتوبر اور اس سال مارچ کے وسط کے درمیان، ملک میں 1،742 مشتبہ کیسز سامنے آئے، جن میں سے نائیجیریا کی سات ریاستوں میں 153 اموات ریکارڈ کی گئیں۔

ڈبلیو ایچ او کا کہنا ہے کہ نئی ویکسین نائجیریا میں پائی جانے والی بیماری کی پانچ بڑی اقسام سے تحفظ فراہم کرتی ہے۔