دہشتگردی کیخلاف جنگ صرف سیکیورٹی فورسز کی نہیں ہے، وزیراعلیٰ بلوچستان

ویب ڈیسک

14th Apr, 2024. 02:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دہشتگردی کیخلاف جنگ صرف سیکیورٹی فورسز کی نہیں ہے، وزیراعلیٰ بلوچستان

کوئٹہ: وزیراعلیٰ بلوچستان میر سرفراز بگٹی نے کہا ہے کہ دہشتگردی کیخلاف جنگ صرف سیکیورٹی فورسز کی نہیں ہے۔

وزیراعلیٰ میر سرفراز بگٹی کی زیر صدارت امن و امان سے متعلق اعلیٰ سطح کا اجلاس ہوا جس میں سانحہ نوشکی کے بعد کی صورتحال کا جائزہ لیا گیا۔

اجلاس میں نوشکی واقعے کی شدید الفاظ میں مذمت کی گئی اور اس موقع پر کمشنر و ڈی آئی جی رخشان ڈویژن نے سانحہ نوشکی سے متعلق اجلاس میں بریفنگ دی۔

اس کے علاوہ اجلاس میں مستقبل میں ایسے واقعات کی بیخ کنی کے لئے سیکیورٹی پلان کو از سر نو مرتب کرنے کا فیصلہ کیا گیا۔

وزیراعلیٰ میر سرفراز بگٹی نے اجلاس میں گفتگو کرتے ہوئے کہا کہ دہشتگردی کیخلاف یہ جنگ صرف سیکیورٹی فورسز کی نہیں ہے، امن دشمنوں کے خلاف یہ جنگ ریاست کی جنگ ہے، یہ جنگ سیاست دان، سول آرمڈفورسز، بیوروکریسی، عدلیہ، میڈیا سب نے لڑنی ہے۔

انہوں نے مزید کہا کہ دہشتگردی کے خلاف ریاست کی اس جنگ کو سیاسی ذمہ داری اور مشترکہ لائحہ عمل کے ساتھ لڑیں گے۔

اس موقع پر وزیراعلیٰ بلوچستان نے سانحہ نوشکی کے شہداء کے لواحقین کو 7 روز میں معاوضوں کی ادائیگی یقینی بنانے کی بھی ہدایت دی۔

واضح رہے کہ اجلاس میں آئی جی ہولیس عبدالخالق شیخ، چیف سیکریٹری بلوچستان شکیل قادر خان، اے سی ایس داخلہ زاہد سلیم سمیت اعلیٰ سول و عسکری افسران نے شرکت کی۔