سابق آئی ایس آئی چیف کا فیض آباددھرنا کمیشن کو دیا گیا بیان سامنے آ گیا

ویب ڈیسک

16th Apr, 2024. 07:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق آئی ایس آئی چیف کا فیض آباددھرنا کمیشن کو دیا گیا بیان سامنے آ گیا

سابق آئی ایس آئی چیف فیض حمید کا فیض آباددھرنا تحقیاتی کمیشن کودیا گیا بیان سامنے آ گیا۔

سابق سربراہ آئی ایس آئی فیض حمید نے دھرنا کمیشن رپورٹ میں بیان دیا کہ حکومت نے 22 نومبر 2017 کو وزیراعظم کی سربراہی میں دھرنا ختم کرنے کے لیے ذمہ داری دی تھی۔

لیفٹینینٹ جنرل رئٹائرڈ فیض حمید نے بیان دیا کہ کہ دھرنا منظم نہیں، ختم کرایا تھا، تحریک لبیک معاہدے پر آرمی چیف کا دستخط چاہتی تھی۔

سابق آئی ایس آئی چیف نے بیان میں کہا کہ معاہدے پر دستخط اسی لیے کیے کہ وہ آرمی چیف کے دستخط چاہتے تھے، معاہدے پر دستخط کی اجازت آئی ایس آئی چیف اور آرمی چیف نے دی تھی۔

فیض حمید نے بیان میں یہ بھی کہا کہ تحریک لبیک کے مالی معاملات کی تحقیق نہیں کی کیونکہ وہ ہمارے مینڈیٹ میں نہیں تھا۔

ادھرذرائع اٹارنی جنرل آفس کا کہنا ہے کہ فیض آباد دھرنا سے متعلق کمیشن رپورٹ ابھی سپریم کورٹ میں جمع نہیں ہوئی، رپورٹ جمع ہونے سے پہلے کابینہ سے منظوری لی جائے گی۔

ذرائع اٹارنی جنرل آفس کا یہ بھی کہنا تھا کہ رپورٹ واپس ہونے کی خبر درست نہیں، وفاقی حکومت نے کمیشن رپورٹ سپریم کورٹ میں جمع کروانی ہے۔