یوکرین پر روسی میزائل حملہ، 13 افراد ہلاک

ویب ڈیسک

17th Apr, 2024. 03:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرین پر روسی میزائل حملہ، 13 افراد ہلاک

یوکرین پر روسی میزائل حملے میں کم از کم 13 افراد ہلاک ہوگئے۔

بین الاقوامی خبررساں ادارے کے مطابق شمالی یوکرین کے شہر چرنی ہیو میں روسی میزائل حملے میں کم از کم 13 افراد ہلاک اور 60 سے زائد زخمی ہوگئےہیں۔

روس فضائی دفاع میں کمزور یوکرینی شہروں پر گولہ باری جاری رکھے ہوئے ہے جبکہ یوکرین کے اعلیٰ حکام نے بین الاقوامی حمایت کے لیے درخواستیں کرتے ہوئے کہا کہ یوکرین کو تباہی سے بچایا جا سکتا تھا۔

یوکرین کے صدر ولادیمیر زیلنسکی نے حملے کے چند گھنٹے بعد اتحادیوں سے عزم اور حمایت کا مطالبہ کیا۔

زیلنسکی نے ٹیلی گرام میسجنگ ایپ کے ذریعے کہا کہ اگر یوکرین کو فضائی دفاعی سازوسامان کافی مقدار میں مل جاتا اور اگر روسی حملوں کا مقابلہ کرنے کے لیے دنیا کا عزم کافی ہوتا تو ایسا نہ ہوتا۔