آج ہم آپکو صرف تین منٹ کی ورزش کرنے کے بےشمار فوائد بتائیں گے۔

ایک حالیہ تحقیق کے مطابق شام کے وقت یا پھر رات گئے محض تین منٹ کی ورزش کرنا بھی دن کے وقت میں ڈیڑھ گھنٹے تک ورزش کرنے سے بہتر ہوتی ہے۔

جی ہاں، ماہرین کی جانب سے 30 ہزار افراد پر 8 سال تک کی جانے والی تحقیق سے معلوم ہوا کہ شام کے وقت یا پھر نصف شب کے بعد ورزش کرنا زیادہ فائدہ مند ہوتی ہے۔

ماہرین نے 8 سال تمام رضاکاروں کی صحت اور ان میں ہونے والی تبدیلیوں کو دیکھنے کے بعد ان کے طبی ٹیسٹس کا جائزہ لیا۔

تحقیق کے نتائج سے معلوم ہوا کہ شام کے 6 بجے کے بعد یا نصف شب کے بعد مختلف طرح کی ورزشیں کرنا وزن کم کرنے میں مددگار ثابت ہوتی ہیں جبکہ رات گئے ورزش کرنے سے ذیابیطس میں بھی فائدہ ملتا ہے۔

ماہرین نے بتایا کہ عام طور پر رات دیر گئے بلڈ شوگر کی سطح کو کم کرنے والی انسولین نہیں پن پاتی اور اگر رات گئے ورزش کی جائے تو انسولین بننے سمیت بلڈ شوگر سے کی سطح میں بھی کمی ہوگی۔

نتائج سے معلوم ہوا کہ دن بھر میں زیادہ ورزش کرنے والے افراد کے مقابلے شام کے 6 بجے اور نصف شب کے وقت صرف تین منٹ تک ورزش کرنے والے افراد کو زیادہ فائدہ ملا۔

ماہرین کا کہنا ہے کہ شام کے وقت یا نصف شب کے بعد دوڑنے، تیز چلنے، تیراکی کرنے، ڈانس کرنے، مختلف کھیل کھیلنے سمیت صرف تین منٹ تک ہر طرح کی جسمانی ورزش کرنے کا اتنا زیادہ فائدہ ہوسکتا ہے جتنا دن میں ڈیڑھ گھنٹے کی ورزش سے ہوتا ہے۔

ماہرین کے مطابق شام کے بعد اور رات گئے کی ورزش سے نہ صرف جسمانی بلکہ ذہنی صحت بھی بہتر ہوتی ہے۔