خیبرپختونخوا میں حکومت اور اپوزیشن آمنے سامنے

ویب ڈیسک

22nd Apr, 2024. 03:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا میں حکومت اور اپوزیشن آمنے سامنے

پشاور: خیبرپختونخوا میں حکومت اور اپوزیشن آمنے سامنے آگئیں۔

خیبر پختوںخوا میں اپوزیشن اراکین نے حکومتی اقدامات کو غیر آئینی و غیر قانونی قرار دے دیا ہے جب کہ اپوزیشن نے صوبائی حکومت کے خلاف پشاور ہائی کورٹ میں درخواست دائر کردی ہے۔

درخواست میں موقف اختیار کیا گیا ہے کہ صوبائی حکومت کی جانب سے بجٹ جاری کرنا غیر آئینی ہے ، خیبر پختونخوا حکومت ایک ماہ کا بجٹ اور دیگر اخراجات کے لیے فنڈ جاری نہیں کرسکتی۔

اپوزیشن کا کہنا ہے کہ بجٹ جاری کرنا اور دیگر اقدامات غیر قانونی ہیں، صوبائی حکومت آرٹیکل 26 کو جواز بنا کراقدامات کررہی ہے جب کہ آرٹیکل 26 کا جو حوالہ دیا جارہا ہے یہ نگران حکومت کے لیے ہے.

درخواست میں مزید کہا گیا ہے کہ نگران حکومت تین سے چار ماہ تک بجٹ جاری کرسکتی ہے، منتخب حکومت کے پاس بجٹ جاری کرنے اور دیگر اقدامات کا اختیار نہیں۔

درخواست میں صوبائی حکومت، محکمہ خزانہ اور سیکرٹری خزانہ سمیت دیگر کو فریق بنایا گیا ہے۔