سینیٹ اجلاس آج، تحریری سوالات معطل کرنے کی تحریک پیش ہو گی

ویب ڈیسک

25th Apr, 2024. 09:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹ اجلاس آج، تحریری سوالات معطل کرنے کی تحریک پیش ہو گی

اسلام آباد: سینیٹ اجلاس آج دن سہ پہر 4 بجے ہوگا، جس کی صدارت چیئرمین سینیٹ کریں گے، سینیٹ اجلاس کے لئے 17 نکات پر مشتمل ایجنڈا جاری کر دیا گیا ہے۔

قائد ایوان اور قائد حزب اختلاف تحریری سوالات معطل کرنے کی تحریک پیش کریں گے جبکہ وزیر خزانہ محمد اورنگزیب منی ٹیکس لاء ترمیمی بل کی کاپی ایوان میں پیش کریں گے اور حکومت کی جانب سے نیب ترمیمی بل 2023 ایوان بالا میں پیش کیا جائے گا۔

اس کے علاوہ ایوان میں مختلف قائمہ کمیٹیوں کی رپورٹس پیش کی جائیں گی اور الیکشن ترمیمی بل 2024، اوورسیز پاکستانیز پراپرٹی بل 2023 بھی متعارف کروائے جائیں گے۔

پاکستان براڈکاسٹنگ کارپوریشن ترمیمی آرڈینس، پاکستان نیشنل شپنگ کارپوریشن آرڈینس ایوان میں پیش کیا جائے گا جبکہ پاکستان پوسٹل سروسز مینجمنٹ آرڈیننس اور این ایچ اے ترمیمی آرڈیننس بھی ایوان میں پیش کیا جائے گا۔

سینیٹ اجلاس کے دوران کرمنل لاء ترمیمی آرڈیننس 2023 اور نجکاری کمیشن ترمیمی آرڈیننس بھی پیش کیا جائے گا۔