شاہ رخ خان اور سہانا کی فلم ’کنگ‘ کی شوٹنگ کہاں ہوگی؟

ویب ڈیسک

25th Apr, 2024. 01:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ رخ خان اور سہانا کی فلم ’کنگ‘ کی شوٹنگ کہاں ہوگی؟

زویا اختر کی دی آرچیز کے ساتھ اپنے او ٹی ٹی ڈیبیو کے بعد، اداکارہ سہانا خان اپنی پہلی فیچر فلم کی تیاری کر رہی ہیں جس میں وہ اپنے والد اور سپر اسٹار شاہ رخ خان کے ساتھ اسکرین شیئر کریں گی۔

کنگ کے نام سے بننے والی اس فلم کی ہدایت کاری سوجوئے گھوش کریں گے اور سدھارتھ آنند اس ایکشن کی نگرانی کریں گے۔

اس فلم کے حوالے سے اطلاعات ہیں کہ باپ بیٹی فلم کی شوٹنگ لندن میں کریں گے اور ایک رپورٹ کے مطابق، ٹیم لندن میں شدید ایکشن سین شوٹ کرنے کا منصوبہ بنا رہی ہے۔

فلم کی شوٹنگ رواں سال جون کے اوائل میں شروع ہوگی جس میں ہائی آکٹین ایکشن سین فلمانے پر توجہ مرکوز کی جارہی ہے، جو کہانی کا ایک بڑا حصہ ہوں گے۔

دوسری جانب یہ اطلاعات ہیں کہ سپر اسٹار شاہ رخ خان اس فلم میں ڈان کا کردار ادا کرتے ہوئے نظر آئیں گے جبکہ ان کی بیٹی سہانا بھی ایکشن سیکوئنس کرنے کے لیے بڑے پیمانے پر ٹریننگ لے رہی ہیں۔

خیال رہے کہ گوری خان اور سدھارتھ آنند مشترکہ طور پر اس فلم کو پروڈیوس کررہے ہیں، جس کا بجٹ 200 کروڑ روپے سے زیادہ ہے۔