ملک بھر کے جنوبی قصبے مائی ماہیو میں شدید بارشوں اور سیلاب کے باعث 100 سے زائد لوگ ہلاک ہو گئے۔

تفصیلات کے مطابق کینیا میں ڈیم ٹوٹنے سے 40 سے زائد افراد ہلاک ہو گئے ہیں جس کے بعد تباہ کن سیلاب سے مرنے والوں کی تعداد 120 سے تجاوز کر گئی ہے۔

یہ ہلاکتیں مائی ماہیو کے علاقے میں ہوئی تھیں، جہاں پھٹے ہوئے ڈیم نے سیلاب سے ہونے والی ہلاکتوں میں اضافہ کیا تھا۔

مائی ماہیو کے مقام پر پولیس نے بتایا کہ صبح سویرے کیجابے علاقے میں ایک ڈیم کے کنارے پھٹنے کے واقعے کے بعد ہم نے اب تک 42 لاشیں برآمد کی ہیں جن میں 17 نابالغ بھی شامل ہیں۔

ایک سرکاری ترجمان نے متنبہ کیا کہ بارشوں نے ہائیڈرو الیکٹرک ڈیموں کو گنجائش سے بھر دیا ہے، جس سے بڑے پیمانے پر نشیبی علاقوں میں سیلاب کا خطرہ ہے۔

اس سے قبل کینیا ریڈ کراس نے کہا تھا کہ اس نے سیلاب کی وجہ سے علاقے میں متعدد افراد کو طبی مرکز میں منتقل کر دیا ہے۔

کینیا کے حکام افراتفری کے حالات سے نمٹنے کے لیے جدوجہد کر رہے ہیں۔ حالیہ ہفتوں کے دوران مشرقی افریقہ میں شدید بارشیں ہو رہی ہیں کیونکہ النینو کے موسمی پیٹرن نے موسمی بارشوں میں اضافہ کر دیا ہے۔

ہفتے کے روز سرکاری اعداد و شمار کے مطابق 76 افراد ہلاک اور ایک لاکھ 31 ہزار سے زائد بے گھر ہوئے ہیں۔ سیلاب نے ملک بھر میں سڑکوں اور پلوں کو تباہ کر دیا ہے۔

کینیا کے دارالحکومت نیروبی کے بین الاقوامی ہوائی اڈے کے ایک انڈر پاس میں پانی بھر گیا ہے تاہم پروازیں معمول کے مطابق چل رہی ہیں۔

حکومت نے پیر کے روز اسکولوں کی نئی مدت کے آغاز میں ایک ہفتہ کی تاخیر کی ہے۔