پاکستان کی نامور اداکارہ نیلیم منیر نے کہا کہ مسلمان کبھی گھبراتا نہیں ہے چاہے کتنا ہی مشکل وقت کیوں نا ہو۔

تفصیلات کے مطابق معروف اداکارہ نیلم منیر نے سماجی رابطے کی ویب سائٹ انسٹاگرام پر ایک پوسٹ کی جس میں انہوں نے لکھا کہ جیسے بھی مشکل حالات ہی کیوں نہ ہوں مسلمان کبھی گھبراتا نہیں ہے۔

https://www.instagram.com/tv/B-M-SvFFHEF/?utm_source=ig_web_copy_link

نیلم منیر خان نے ایک ویڈیو شیئر کی جس میں وہ مسلمانوں کو اِس مشکل وقت میں اللّہ تعالیٰ سے معافی مانگنے کی ہدایت کرتی نظر آرہی ہیں۔

نیلم منیر نے ویڈیو میں کہا کہ اگر تُم پہچانتے ہو اور تمہارے اندر ایمان ہے تو تمہیں ڈر کس بات کا ہے؟

اداکارہ نے کہا کہ گھبرانا نہیں ہے کیونکہ مسلمان کبھی گھبراتا نہیں ہے جو احتیاطی تدابیر ہیں وہ اختیار کرو۔

اداکارہ نے کہا کہ سب چیزوں سے بڑھ کر جو بات ہے وہ یہ ہے کہ اللّہ نے تمہیں وقت دیا ہے۔

انہوں نے مزید کہا کہ اپنے گھر میں کُھل کر عبادت کرو، اللّہ تعالیٰ کو مناؤ، اُس سے معافی مانگو۔

نیلیم منیر نے کہا کہ یہ وقت بھی بہت خوش نصیبوں کو ملتا ہے ورنہ لوگوں کی زندگیاں تو ایسے ہی گُزر جاتی ہیں۔

اُنہوں نے کہا کہ اللّہ تعالیٰ بہت غفور الرحیم ہے اُس کی رحمت کو پہچانو، اللّہ اپنے بندوں کو کبھی مایوس نہیں ہونے دیتا ہے۔

اداکارہ نے کہا کہ میں سب کے لیے بہت زیادہ دُعا کرتی ہوں جو کورونا وائرس سے متاثرہ مریض ہیں، میں آپ سب کے لیے اور پاکستان میں جتنے بھی لوگ ہیں اُن سب کے لیے بھی دُعا کرتی ہوں۔

میں اللّہ تعالیٰ سے معافی مانگتی ہوں اور دُعا کرتی ہوں اللّہ پاک بس اب یہ وبا ختم کردے کیونکہ یہ بات ہمیشہ یاد رکھنا کہ جب تک اللّہ نہیں چاہے گا اُس وقت تک کوئی دوا، کوئی ویکسین نہیں بنے گی۔

واضح رہے ویڈیو کے اختتام میں اداکارہ نے کہا کہ دُنیا اللّہ کی ہے سارا کنٹرول اللّہ کا ہے۔