سعودی وفد آج پاکستان پہنچے گا، بڑی سرمایہ کاری کا امکان

ملک سعید اعوان

05th May, 2024. 01:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی وفد آج پاکستان پہنچے گا، بڑی سرمایہ کاری کا امکان

سعودی نائب وزیر سرمایہ کاری کی قیادت میں سرمایہ کاروں کا وفد آج پاکستان پہنچے گا، تاہم سعودی عرب کی پاکستان میں بڑی سرمایہ کاری کا امکان ہے۔

سعودی عرب کی پاکستان میں سرمایہ کاری کیلئے کانفرنس کا انعقاد کل ہو گا جبکہ وزیراعظم شہباز شریف سرمایہ کاری کانفرنس میں آنے والے حکام کو آج ڈنر دیں گے۔

سرمایہ کاری کیلئے مقامی و انٹرنیشنل سرمایہ کار کانفرنس میں شریک ہوں گے جبکہ سعودیہ عرب اور پاکستان کے درمیان توانائی، ہوابازی، تعمیرات کے معاہدے ہوں گے۔

اس کے علاوہ مائننگ، ٹیکنالوجی، ہیومین ریسورسز، خوراک، کیمیکل ودیگر معاہدے ہوں گے۔

مزید پڑھیں: سعودی کاروباری وفد کے دورہ پاکستان کیلئے 16 رکنی اسٹیرنگ کمیٹی قائم

سعودی عرب کا یہ اعلیٰ سطح کا وفد دو روز ملک میں قیام کرے گا، وفد 50 افراد پر مشتمل ہے جو سعودی فرمانروا اور وزیراعطم محمد بن سلمان کی ہدایت پرپاکستان کا دورہ کر رہا ہے۔

اس دورے کے دوران زراعت اور صنعت کے منصوبوں میں سرمایہ کاری پر پاکستانی حکام اور تاجروں سے بات ہوگی۔

بعدازاں سعودی وفد پاکستان میں سرمایہ کاری کے مواقعوں پرمذاکرات کرے گا اور وطن واپسی پر ولی عہد محمد بن سلمان کو دورے اور سرمایہ کاری پر بریفنگ دے گا۔