خیبرپختون خوا کےعلاوہ سب مانگے کی حکومتیں ہیں، رؤف حسن

ویب ڈیسک

05th May, 2024. 11:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختون خوا کےعلاوہ سب مانگے کی حکومتیں ہیں، رؤف حسن

تحریک انصاف کے مرکزی سیکریٹری اطلاعات کا کہنا ہے کہ خیبرپختون خوا کےعلاوہ سب مانگے کی حکومتیں ہیں۔

مرکزی سیکریٹری اطلاعات پی ٹی آئی رؤف حسن نے بول نیوزکے پروگرام تبدیلی میں گفتگو کرتے ہوئے کہا کہ بڑی سیاسی جماعتوں میں مختلف آرا ہوتی ہیں، میرابیان پارٹی کا بیان ہوتا ہے۔

رؤف حسن نے گفتگو میں کہا کہ ڈیڑھ سال پہلے اسٹیبلشمنٹ سے مذاکرات کی بات کی تھی، ڈیل نہیں ڈائیلاگ کی بات کررہا ہوں، ڈیل ہماری پاکستان کےعوا م کے ساتھ ہے۔

مرکزی سیکریٹری اطلاعات پی ٹی آئی نے کہا کہ کے پی کے علاوہ سب مانگے کی حکومتیں ہیں، 9 مئی کے لیے آزاد جوڈیشل کمیشن بنایا جائے کہ کون ذمہ دار تھا، ہم سیاسی جماعتوں سے اتحادکررہےہیں۔

رؤف حسن نے کہا کہ موجودہ سے زیادہ غیرمستحکم حکومت کبھی نہیں دیکھی، ہمارے اندازے کے مطابق 28 سے 29 ہزارسوشل میڈیا ایکٹوسٹ باہر بیٹھے ہیں۔

تحریکِ انصاف کے مرکزی سیکریٹری اطلاعات نے کہا کہ 28 سے 29 ہزارسوشل میڈیا ایکٹوسٹ ہمارے ملازم نہیں ہیں، یہ ہزاروں سوشل میڈیا ایکٹوسٹ حدود کراس کرتے ہیں، سوشل میڈیا ایکٹوسٹس پرہماراکوئی کنٹرول نہیں۔