خواجہ آصف کی فرانسیسی سفیر سے ملاقات، مسلح افواج کے درمیان تعاون بڑھانے پر زور
اسلام آباد: وزیر دفاع و دفاعی پیداوار خواجہ محمد آصف سے فرانسیسی سفیر نکولس گیلی کی ملاقات۔
وزیر دفاع و دفاعی پیداوار خواجہ محمد آصف سے فرانسیسی سفیر نکولس گیلی نے ملاقات کی جس میں وزیر دفاع نے دونوں ممالک کی مسلح افواج کے درمیان تعاون بڑھانے پر زور دیا۔
وزیر دفاع خواجہ محمد آصف کہتے ہیں کہ پاکستان فرانس کے ساتھ اپنے دوطرفہ تعلقات کو خصوصی اہمیت دیتا ہے،پاک فرانس دوطرفہ تعلقات باہمی احترام کے اصولوں پر مبنی ہیں۔
انہوں نے مزید کہا کہ پاکستان خطے میں استحکام اور امن کے لیے پرعزم ہے جب کہ وزیر دفاع نے دہشت گردی اور انتہا پسندی کے عالمی چیلنجز سے نمٹنے کے لیے پاکستان کے عزم کا اعادہ کیا۔
فرانسیسی سفیر نے علاقائی استحکام میں پاکستان کے کردار کو سراہتے ہوئے ہر سطح پر سفارتی تعاون میں مزید بہتری کے لیے اپنا کردار ادا کرنے کا عزم کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
