یمن میں آئینی حکومت کو سپورٹ کرنے والےعرب اتحادی فوج کے ترجمان کرنل ترکی المالکی نے کہا ہے کہ جمعہ کی صبح یمن میں ایران نواز حوثی باغیوں کی جانے سے سعودی عرب کے شہروں پر کیے جانے والے ریموٹ کنٹرول جہازوں کے حملے ناکام بنا دیئے گئے۔

غیر ملکی خبر رساں ادارے مطابق کرنل ترکی المالکی کی جانب سے جاری بیان میں مزید کہا گیا ہے کہ ’یمن میں ایران نواز حوثی باغیوں نے سعودی عرب کے شہر ابھا اور خمیس مشیط پر ریموٹ کنٹرول جہازوں کے ذریعے حملے کیے جنیں اتحادی فوج نے ناکام بنادیا۔

یمن میں حوثی باغیوں سے فیصلہ کن جنگ کی تیاری 

حملہ میں کسی قسم کے جانی نقصان کی اطلاع نہیں ملی ۔ اتحادی افواج کے کنٹرول ٹاور نے حوثی باغیوں کی جانب سے ریموٹ کنٹرول جہازوں کی سمت کا تعین کرتے ہی فوری طور پر جوابی کارروائی کرکے حملہ آور جہازوں کو ہدف تک پہنچنے سے قبل ہی فضا میں تباہ کردیا۔

واضح رہے کہ  یمن میں حوثی باغیوں کی جانب سے مسلسل سرحدی خلاف ورزیاں جاری ہیں اب تک سعودی عرب پر کیے جانے والے دسیوں حملے ناکام بنائے جاچکے ہیں۔

اس سے قبل عرب اتحاد کے سرکاری ترجمان نے بدھ کی شام اعلان کیا تھا کہ اتحاد کی مشترکہ افواج کی کمان یمنی حکومت کے فیصلے کو سپورٹ کرتی ہے۔

یمنی حکومت نے یمن میں فائر بندی اور کرونا وائرس کے پھیلاؤ کے اثرات سے نمٹنے کے لیے ،،، اقوام متحدہ کے سکریٹری جنرل کی جانب سے دی گئی دعوت قبول کرنے کا فیصلہ کیا تھا۔