پیٹرول کی قیمت کے حوالے سے بڑی خوشخبری آگئی ہے۔

عالمی منڈی میں تیل کی قیمتوں میں کمی کے بعد پاکستان میں بھی16 مئی سے پیٹرول کی قیمت میں 12 روپے فی لیٹر کمی کا امکان ہے۔

عالمی سطح پر پیٹرول کی قیمت میں 6.32 ڈالر فی بیرل کمی کے بعد اب تقریباً 99.93 ڈالر فی بیرل تک پہنچ گئی ہے۔

ڈیزل کی قیمتوں میں بھی 9.70 روپے فی لیٹر کی کمی متوقع ہے۔ عالمی سطح پر ڈیزل کی قیمت 99.08 ڈالر فی بیرل ہے۔

دوسری جانب متعلقہ حکومتی اور صنعتی ذرائع کا کہنا ہے کہ 16مئی سے پاکستان ریفائنریز اور آئل مارکیٹنگ کمپنیوں کو امید ہے کہ گزشتہ 10دنوں میں پی او ایل کی قیمتوں میں بڑے پیمانے پر کمی اور ایران سے اسمگل شدہ پی او ایل مصنوعات کی آمد روکنے کی وجہ سے پیٹرولیم مصنوعات کی کھپت میں اضافہ ہوگا۔

حکومت پیٹرول اور ڈیزل پر پیٹرولیم لیوی کے طور پر 60 روپے فی لیٹر بھی وصول کر رہی ہے جبکہ ڈیلرز کو دونوں مصنوعات پر 8.64 فی لیٹر کا مارجن مل رہا ہے۔

تاہم، ضلعی مارجن (اضافی مارجن سمیت) پیٹرول اور ڈیزل پر فی لیٹر 7.87 روپے بھی وصول کیے جاتے ہیں۔

واضح رہے کہ حکومت کی جانب سے 30 اپریل کو پیٹرول کی قیمت میں 5 روپے 45 پیسے فی لیٹر اور ڈیزل کی قیمت میں 8 روپے 42 پیسے فی لیٹر کمی کی منظوری دی گئی تھی۔