جان کے نذرانے سے بڑھ کر کوئی قربانی نہیں، آرمی چیف

سلمان علی اعوان

13th May, 2024. 05:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جان کے نذرانے سے بڑھ کر کوئی قربانی نہیں، آرمی چیف

راولپنڈی: جی ایچ کیومیں فوجی اہلکاروں کو فوجی اعزازات دینے کی تقریب کا انعقاد کیا گیا۔

پاک فوج کے شعبہ تعلقات عامہ (آئی ایس پی آر) کے مطابق جی ایچ کیو میں فوجی اعزازات سے نوازنے کی تقریب کا انعقاد کیا گیا جس کے مہمان خصوصی آرمی چیف جنرل سید عاصم منیر تھے۔

آئی ایس پی آر کا کہنا ہے کہ آرمی چیف نے جوانوں اور افسران کو فوجی اعزازات سے نوازا جب کہ شہداء کے اعزازات ان کے لواحقین نے وصول کیے۔

آئی ایس پی آر نے بتایا کہ افسران اور جوانوں کو ستارہ امتیاز ملٹری، تمغہ بسالت اور دیگر ایوارڈ دیے گئے جب کہ آرمی چیف نے شہداء اور غازیوں کی خدمات کو شاندار خراج تحسین پیش کیا۔

اس موقع پر آرمی چیف جنرل سید عاصم منیر نے کہا کہ مادر وطن کے دفاع کے لئے جان کے نذرانے سے بڑھ کر کوئی قربانی نہیں اور ہمارے شہداء کی قربانیاں ہمارے عزم کو مزید مضبوط کرتی ہیں۔

آرمی چیف کا کہنا تھا کہ شہداء کے بہادر خاندانوں کے بلند حوصلے کو سلام پیش کرتےہیں، شہداء اورغازی ہمارے قومی ہیروز ہیں۔

آرمی چیف نے مزید کہا کہ ہمارے شہداء قوم کے لئے امید اور استقامت کی کرن ہیں جب کہ ہماری آزادی اور سلامتی ان بہادر جنگجوؤں کی قربانیوں کی مرحون منت ہے۔