جی 10 مرکز میں قائم آئی ٹی پارک میں اوپن ہاؤس کا انعقاد

ویب ڈیسک

14th May, 2024. 06:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جی 10 مرکز میں قائم آئی ٹی پارک میں اوپن ہاؤس کا انعقاد

اسلام آباد کے جی 10 مرکز میں قائم کئے جانے والے آئی ٹی پارک میں اوپن ہاؤس کا انعقاد کیا گیا۔

اوپن ہاؤس کے انعقاد کا مقصد آئی ٹی پارک کی افادیت اور شہریوں کے لئے اس کی اہمیت کو اجاگر کرنا تھا، اوپن ہاؤس میں آئی ٹی شعبہ سے وابستہ مختلف کمپنیز اور شہریوں نے بھرپور شرکت کی۔

اس موقع پر چیئرمین سی ڈی اے محمد علی رندھاوا نے کہا کہ آئی ٹی پارک کے قیام سے کارپوریٹ سیکٹر اور گورنمنٹ سیکٹر کو ایک جگہ اکٹھا کرنے میں مددگار ثابت ہوگا۔

محمد علی رندھاوا نے کہا کہ کارپوریٹ سیکٹر اور گورنمنٹ سیکٹر مل بیٹھ کر پاکستان کی بہتری کے لئے کام کرسکیں گے، آئی ٹی پارک کا مقصد شعبوں کو ڈیجیٹائز کرنا ہے۔

چیئرمین سی ڈی اے کا کہنا تھا کہ اوپن ہاؤس کے انعقاد کا بنیادی مقصد اسلام آباد میں ڈیجٹلائزیشن کو فروغ دینا ہے۔

چوہدری محمد علی رندھاوا کے مطابق بہتر گورننس کو یقینی بنانا بھی آئی ٹی پارک کے مقاصد میں سے ہے، ہماری ٹیم نہایت ہی قابل ہے اور ڈیجیٹائزیشن کے لئے کام کر رہے ہیں۔

چیئرمین کا کہنا تھا کہ اسی لئے تمام لوگوں کو دعوت دیتا ہوں کہ وہ یہاں آئیں تاکہ اس کا مقصد حاصل کیا جا سکے.

سی ڈی اے چیئرمین چوہدری محمد علی رندھاوا نے مزید کہا کہ میں تمام لوگوں کو دعوت دیتا ہوں کہ وہ آئی ٹی پارک کو بہتر بنانے کیلئے اپنی تجاویز دیں۔